ഭോപ്പാൽ: മധ്യപ്രദേശിലെ ബാന്ധവ്ഗഡ് കടുവാ സങ്കേതത്തിൽ 48 മണിക്കൂറിനിടെ എട്ട് കാട്ടാനകൾ ചത്തു. ഏഴ് ആനകളുടെ ജഡം ചൊവ്വാഴ്ചയും എട്ടാമത്തേതിന്റെ ജഡം ബുധനാഴ്ചയും കണ്ടെത്തി.
ചത്ത ആനകളിൽ ഏഴും മൂന്നുവയസോളം പ്രായമുള്ള പെൺ ആനകളാണ്. എട്ടാമത്തേത് അഞ്ച് വയസുള്ള ആൺ ആനയും. മറ്റൊരു ആനയുടെ ആരോഗ്യാവസ്ഥ ഗുരുതരമാണെന്ന് വനംവകുപ്പ് അധികൃതർ അറിയിച്ചു. സംഭവത്തിൽ അന്വേഷണം ആരംഭിച്ചിട്ടുണ്ട്.
