നെല്ലിയാന്പതി: പോത്തുണ്ടി- കൈകാട്ടി ചുരംറോഡിൽ കാട്ടാനയുടെ മുന്നിൽ അകപ്പെട്ട ബൈക്ക് യാത്രക്കാർ അദ്ഭുതകരമായി രക്ഷപ്പെട്ടു. നെല്ലിയാന്പതി പ്രാഥമികാരോഗ്യകേന്ദ്രത്തിലെ ജീവനക്കാരായ വിശാന്ത്, ഗിരീഷ് എന്നിവരാണ് രക്ഷപ്പെട്ടത്.
കഴിഞ്ഞദിവസം ജോലികഴിഞ്ഞ് വൈകുന്നേരം വീട്ടിലേക്കു മടങ്ങുന്നതിനിടെ അയ്യപ്പൻതിട്ടിനുസമീപത്തുവച്ചാണ് കാട്ടാനയ്ക്ക് മുന്നിൽപ്പെട്ടത്.
കാട്ടിൽനിന്നും പെട്ടെന്ന് പാതയിലേക്ക് ഇറങ്ങിയ ആനയ്ക്കുമുന്നിൽ ബൈക്ക് എത്തിയതോടെ എന്തുചെയ്യണമെന്നറിയാതെ ബൈക്ക് റോഡിലേക്ക് മറിച്ചിട്ട് ഇരുവരും ഓടിരക്ഷപ്പെടുകയായിരുന്നു.
തുടർന്ന് ബൈക്ക് തകർക്കാനായി ആന മുന്നോട്ട് ഓടിവന്നെങ്കിലും ബൈക്കിനു പിറകിലായി വന്ന വലിയ വാഹനങ്ങൾ നിർത്താതെ ഹോണ് മുഴക്കിയതോടെ ആന പിന്തിഞ്ഞു.
കുറച്ചുസമയത്തിനുശേഷം ആന കാട്ടിലേക്ക് കയറിപ്പോയതിനുശേഷമാണ് ഇവർ ബൈക്കുമായി മടങ്ങിയത്.
