ചെരിഞ്ഞ ആനക്കുട്ടിയെ തുമ്പി കൈയിൽ വാരിയെടുത്ത് ആനക്കൂട്ടം നടന്ന് പോകുന്നതിന്റെ വേദനയുണർത്തുന്ന ദൃശ്യങ്ങൾ കണ്ണ് നനയിക്കുന്നു. വളരെയധികം ദുഖത്തോടെയാണ് ആന കൂട്ടം റോഡ് മുറിച്ചു കടന്ന് കാട്ടിലേക്ക് വരിവരിയായി നടന്നു പോകുന്നതെന്ന് വീഡിയോയിൽ വ്യക്തമാണ്.
ഐഎഫ്എസ് ഉദ്യോഗസ്ഥനായ പർവീൻ കസ്വാനാണ് ഈ ദൃശ്യങ്ങൾ ട്വിറ്ററിൽ കൂടി പങ്കുവച്ചത്. ചെരിഞ്ഞ ആനക്കുട്ടിയെ തുമ്പി കൈയിൽ വാരിയെടുത്ത ഒരു കാട്ടാന റോഡ് മുറിച്ച് ആദ്യം നടന്നു പോയി. അതിനു ശേഷം ആനക്കുട്ടിയെ നിലത്തിട്ടു.
കൂട്ടത്തിലുള്ള മറ്റ് ആനകളും എത്തിയപ്പോൾ ഈ ആനക്കുട്ടിയെ നിലത്തുനിന്നും വീണ്ടും കോരിയെടുത്ത് കാട്ടിലേക്ക് നടന്നു പോകുകയായിരുന്നു. ദൂരെ കുറച്ച് അകലെ മാറി ഈ രംഗവും കണ്ട് ജനക്കൂട്ടം നിൽക്കുന്നുണ്ടായിരുന്നു.
സോഷ്യൽ മീഡിയയിൽ പങ്കുവച്ചിരിക്കുന്ന ദൃശ്യം ലക്ഷക്കണക്കിനാളുകളാണ് ഇതിനോടകം തന്നെ കണ്ടുകഴിഞ്ഞത്.
This will move you !! Funeral procession of the weeping elephants carrying dead body of the child elephant. The family just don’t want to leave the baby. pic.twitter.com/KO4s4wCpl0
— Parveen Kaswan, IFS (@ParveenKaswan) June 7, 2019
