ഗ്രോസ് ഐസ്‌ലെറ്റ്: ടെസ്റ്റ് പരമ്പര തൂത്തുവാരാനുള്ള വെസ്റ്റ് ഇൻഡീസിന്‍റെ മോഹങ്ങൾ പൂവണിഞ്ഞില്ല. മൂന്നാം ടെസ്റ്റിൽ വിൻഡീസിനെതിരെ ഇംഗ്ലണ്ടിന് 232 ജയം. 485 റൺസ് വിജയലക്ഷ്യവുമായി ഇറങ്ങിയ വിൻഡീസിനെ 69.5 ഓവറിൽ 252 റൺസിൽ ഇംഗ്ലീഷ് ബൗളിംഗ് നിര എറിഞ്ഞിട്ടു. എന്നാൽ ആദ്യ രണ്ടു ടെസ്റ്റുകൾ ജയിച്ച വിൻഡീസ് പരമ്പര 2-1 സ്വന്തമാക്കി.
സ്കോർ: ഇംഗ്ലണ്ട്: 277, 365/5 ഡിക്ലയർ. വിൻഡീസ് 154, 252.
രണ്ടാം ഇന്നിംഗ്സിൽ വിൻഡീസിന് വേണ്ടി റോസ്റ്റൺ ചേസ് പൊരുതിയെങ്കിലും പിന്തുണ നൽകാൻ ആരുമുണ്ടായില്ല. സെഞ്ചുറിയുമായി ചേസ്(191 പന്തിൽ 102) പുറത്താകാതെ നിന്നു. ആറിന് 110 റൺസെന്ന നിലയിൽ തകർന്ന വിൻഡീസിനെ വാലറ്റക്കാരായ അൽസാരി ജോസഫിനെയും(34), കെമർ റോച്ചിനെയും(29) കൂട്ടുപിടിച്ച് ചേസ് ഇരുനൂറ് കടത്തുകയായിരുന്നു.
ഇംഗ്ലണ്ടിന് വേണ്ടി ജെയിംസ് ആൻഡേഴ്സണും മോയിൻ അലിയും മൂന്നു വീതം വിക്കറ്റുകൾ വീഴ്ത്തി. ബെൻ സ്റ്റോക്സ് രണ്ടും മാർക് വുഡ് ഒരു വിക്കറ്റും നേടി
