കണ്ണൂർ: രാഷ്ട്രീയ പാർട്ടികളെ പോലെ സർക്കാരിന് പ്രവർത്തിക്കാൻ കഴിയില്ലെന്ന് വ്യവസായ മന്ത്രി ഇ.പി.ജയരാജൻ. ബിഷപ്പിനെതിരായ പരാതിയിൽ സർക്കാർ നീതിപൂർവമായ സമീപനം മാത്രമേ സ്വീകരിച്ചിട്ടുള്ളൂ. വസ്തുതകൾ പരിശോധിച്ച് മറ്റേതൊരു കേസുപോലെ തന്നെയാണ് ഇതും പരിഗണിച്ചത്.
കേസിൽ സർക്കാർ ശരിയായ സമീപനമാണ് സ്വീകരിച്ചതെന്നും അദ്ദേഹം പറഞ്ഞു.
കന്യാസ്ത്രീകൾക്ക് നടത്തിയ സമരത്തെക്കുറിച്ച് കോടിയേരി ബാലകൃഷ്ണൻ പറഞ്ഞതിൽ വസ്തുതയുണ്ടാകാം.
എന്നാൽ സർക്കാർ ഇരയ്ക്കൊപ്പമാണ്. കോടിയേരി ഉന്നയിച്ച കാര്യങ്ങളിൽ അടക്കം വസ്തുതകൾ പരിശോധിച്ച ശേഷം അഭിപ്രായം പറയും. സഭയെ അവഹേളിക്കുന്ന തരത്തിൽ കന്യാസ്ത്രീകളുടെ സമരം പോയോ എന്ന കാര്യം മാധ്യമങ്ങൾ പരിശോധിക്കണമെന്നും ഇ.പി.ജയരാജൻ ആവശ്യപ്പെട്ടു.
