തിരുവനന്തപുരത്ത് അ​ന്താ​രാ​ഷ്ട്ര കൊ​ള്ളസം​ഘം പി​ടി​യി​ൽ;പി​ടി​യി​ലാ​യ​ത് നാല് ഇ​റാ​ൻ​കാ​ർ; ല​ക്ഷ്യ​മി​ട്ട​ത് പ​ണ​മി​ട​പാ​ട് സ്ഥാ​പ​ന​ങ്ങ​ൾ

തി​രു​വ​ന​ന്ത​പു​രം: രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ക​വ​ർ​ച്ച ന​ട​ത്തി വ​രി​ക​യാ​യി​രു​ന്ന ഇ​റാ​നി​യ​ൻ സം​ഘ​ത്തി​ലെ നാ​ല് പേ​രെ ക​ന്‍റോ​ൺ​മെ​ന്‍റ് പോ​ലീ​സ് അ​റ​സ്റ്റ് ചെ​യ്തു.

സി​ഐ ഷാ​ഫി​യു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ്ര​തി​ക​ളെ അ​റ​സ്റ്റ് ചെ​യ്ത​ത്. ര​ഹ​സ്യ വി​വ​രം ല​ഭി​ച്ച​തി​നെ​ത്തു​ട​ർ​ന്ന് ന​ഗ​ര​ത്തി​ലെ ഒ​രു ഹോ​ട്ട​ലി​ൽ നി​ന്നാ​ണ് പോ​ലീ​സ് ഇ​വ​രെ പി​ടി​കൂ​ടി​യ​ത്.

ചേ​ർ​ത്ത​ല​യി​ലെ ഒ​രു സ്ഥാ​പ​ന​ത്തി​ൽ മോ​ഷ​ണം ന​ട​ത്തി​യ ശേ​ഷം തി​രു​വ​ന​ന്ത​പു​ര​ത്തെ​ത്തി​യ സം​ഘം കൂ​ടു​ത​ൽ ക​വ​ർ​ച്ച​ക​ൾ​ക്ക് പ​ദ്ധ​തി​യി​ടു​ന്ന​തി​നി​ടെ​യാ​ണ് പി​ടി​യി​ലാ‍​യ​ത്.

തി​രു​വ​ല്ല​യി​ലും ചേ​ർ​ത്ത​ല​യി​ലും ഈ ​സം​ഘം ക​വ​ർ​ച്ച​ക​ൾ ന​ട​ത്തി​യി​രു​ന്നു. കേ​ര​ള​ത്തി​ൽ ക​വ​ർ​ച്ച​ക​ൾ ന​ട​ത്തു​ന്ന ഇ​റാ​നി​യ​ൻ സം​ഘ​ത്തെ​പ്പ​റ്റി പോ​ലീ​സ് നേ​ര​ത്തെ​യ​റി​ഞ്ഞി​രു​ന്നു.

ര​ഹ​സ്യ വി​വ​ര​ത്തെ തു​ട​ർ​ന്ന് ഹോ​ട്ട​ലി​ലെ​ത്തി​യ പോ​ലീ​സി​ന് ഇ​റാ​നി​യ​ൻ സം​ഘ​ത്തി​ൽ നി​ന്നും മ​തി​യാ​യ രേ​ഖ​ക​ൾ ല​ഭി​ക്കാ​ത്ത​തി​നെ​ത്തു​ട​ർ​ന്നാ​ണ് സം​ശ​യം ഉ​ട​ലെ​ടു​ത്ത​ത്. പ്ര​തി​ക​ളെ ചേ​ർ​ത്ത​ല പോ​ലീ​സി​ന് കൈ​മാ​റി.

തി​രു​വ​ന​ന്ത​പു​രം മു​ത​ൽ ഡ​ൽ​ഹി വ​രെ ക​വ​ർ​ച്ച​ക​ൾ ന​ട​ത്തി വ​ന്ന 24 അം​ഗ സം​ഘ​ത്തി​ലെ നാ​ലു​പേ​രാ​ണ് പി​ടി​യി​ലാ​യ​ത്. സം​ഘ​ത്തി​ൽ ഇ​ന്ത്യാ​ക്കാ​രു​ണ്ടോ​യെ​ന്ന് ഇ​തു​വ​രെ വ്യ​ക്ത​മാ​യി​ട്ടി​ല്ല.

പ്ര​തി​ക​ളെ കൂ​ടു​ത​ൽ ചോ​ദ്യം ചെ​യ്താ​ലെ ഇ​ക്കാ​ര്യ​ങ്ങ​ളി​ൽ വ്യ​ക്ത​ത ഉ​ണ്ടാ​വു​ക​യു​ള്ളൂ എ​ന്ന് പോ​ലീ​സ് അ​റി​യി​ച്ചു. ഇ​ന്ത്യ മു​ഴു​വ​ൻ മോ​ഷ​ണം ന​ട​ത്താ​ൻ ഡ​ൽ​ഹി​യി​ൽ ജ​നു​വ​രി മു​ത​ൽ ക്യാ​മ്പ് ചെ​യ്ത് പ​ദ്ധ​തി​ക​ൾ ആ​സൂ​ത്ര​ണം ചെ​യ്യു​ക​യാ​യി​രു​ന്നു സം​ഘം.

നു​റു​ക​ണ​ക്കി​ന് മോ​ഷ​ണ​ങ്ങ​ൾ ഇ​തു​വ​രെ ഈ ​സം​ഘം ന​ട​ത്തി​യ​താ​യാ​ണ് വി​വ​രം. നാ​ലം​ഗ സം​ഘം കേ​ര​ള​ത്തി​ലെ​ത്തി​യ​ത് പ​ണ​മി​ട​പാ​ട് സ്ഥാ​പ​ന​ങ്ങ​ളും പോ​സ്റ്റ് ഓ​ഫീ​സു​ക​ളും കൊ​ള്ള​യ​ടി​ക്കാ​നാ​ണെ​ന്ന് പോ​ലീ​സ് പ​റ​ഞ്ഞു.