മലയാളികള്‍ക്ക് പ്രത്യേക വാത്സല്യമുള്ള നടിയാണ് എസ്തര്‍ അനില്‍. മോഹന്‍ലാലിന്റെ മകളായി ദൃശ്യം എന്ന സിനിമയിലെത്തിയതോടെയാണ് എസ്തര്‍ മലയാളികളുടെ ഇഷ്ടം പിടിച്ചു പറ്റിയത്.
പിന്നീട് കൗമാരവും പിന്നിട്ട് മലയാള സിനിമയില്‍ യുവനടിയായി തിളങ്ങി നില്‍ക്കുന്നതിനിടെ നിരവധി ഗോസിപ്പുകളാണ് നടിയെക്കുറിച്ച് പുറത്തു വന്നത്.
അതില്‍ ഏറ്റവും പുതിയതാണ് ബോളിവുഡ് താരവും എസ്തറും കടുത്ത പ്രണയത്തിലാണെന്നുള്ളത്. നിമിഷന്നേരം കൊണ്ടാണ് ഈ വാര്‍ത്ത പരന്നത്.
ഇപ്പോള്‍ വാര്‍ത്തകളില്‍ പ്രതികരിച്ച് എത്തിയിരിക്കുയാണ് എസ്തര്‍. നടി ദിഷ പട്ടാണിയുമായി പിരിഞ്ഞ ബോളിവുഡിലെ ആക്ഷന്‍ഹീറോ ടൈഗര്‍ ഷ്റോഫുമായി എസ്തര്‍ ഡേറ്റിംഗിലാണെന്ന വാര്‍ത്തകള്‍ പ്രചരിച്ചിരുന്നു.
ഈ ആരോപണങ്ങള്‍ക്ക് ബലംപകര്‍ന്നു കൊണ്ട് ഇവരുടെ ഫോട്ടോയും പുറത്തുവന്നു. ബോളിവുഡ് വാര്‍ത്തകള്‍ റിപ്പോര്‍ട്ട് ചെയ്യുന്ന ഒരു പോര്‍ട്ടലിന്റെ ഇന്‍സ്റ്റഗ്രാം പേജിലാണ് ടൈഗര്‍ ഡേറ്റ് ചെയ്യുന്ന വ്യക്തിയുടെ സ്ഥാനത്ത് എസ്തര്‍ അനിലിന്റെ മുഖം കണ്ടത്.
ടൈഗറും പുതിയ കാമുകിയും നില്‍ക്കുന്ന ചിത്രത്തിലാണ് എസ്തറിന്റെ ഫോട്ടോ വന്നത്. ഇപ്പോള്‍ ഇതിനോട് താരം പ്രതികരിച്ചത് ഇങ്ങനെ.
‘വെരി ഇന്ററസ്റ്റിംഗ്’ എന്ന് പറഞ്ഞുകൊണ്ടാണ് എസ്തറിന്റെ പ്രതികരണം. അതേസമയം എസ്തറിന്റെ പേരെങ്ങനെ ഈ ചിത്രത്തില്‍ കടന്നു കൂടിയെന്നതില്‍ വ്യക്തതയില്ല.
ഇതിന്റെ സ്‌ക്രീന്‍ ഷോട്ട് സഹിതം എസ്തര്‍ തന്റെ ഇന്‍സ്റ്റഗ്രാം പേജില്‍ സ്റ്റോറിയായി പോസ്റ്റ് ചെയ്തിട്ടുമുണ്ട്.
