വിവാഹവേദിയില്‍ വധൂവരന്മാരുടെ മുന്‍ കമിതാക്കള്‍ എത്തി ചിലപ്പോഴെങ്കിലും പ്രശ്‌നങ്ങള്‍ സൃഷ്ടിക്കാറുണ്ട്.
ഉത്തര്‍പ്രദേശിലെ ഗോരഖ്പൂരില്‍ അത്തരത്തിലൊരു സംഭവത്തിന്റെ വാര്‍ത്തയാണ് പുറത്തു വരുന്നത്.
വിവാഹസമയത്ത് വരനും വധുവും വരണമാല്യം കൈമാറുന്ന സമയത്താണ് വധുവിന്റെ കാമുകന്‍ രംഗപ്രവേശം ചെയ്യുന്നത്.
ബന്ധുക്കളാല്‍ ചുറ്റപ്പെട്ട് വരനും വധുവും വേദിയില്‍ നില്‍ക്കുകയാണ്. ചടങ്ങുകള്‍ക്ക് ശേഷം വരന്‍ വധുവിന് വരണമാല്യം അണിയിക്കാനായി അടുത്തെത്തി.
അപ്പോഴാണ് മുഖമെല്ലാം മൂടിയ ഒരാള്‍ വേദിയിലേക്ക് എത്തുന്നത്. ഇയാള്‍ വധുവിനെ ബലമായി പിടിച്ച് നെറ്റിയില്‍ സിന്ദൂരം അണിയിച്ചു.
വധു ഇതിനെ തടുക്കുന്നുമുണ്ട്. പിന്നീട് അവിടെ കൂടി നിന്നയാളുകള്‍ മുന്‍കാമുകനെ കൈകാര്യം ചെയ്യുന്നതും വിഡിയോയില്‍ കാണാം.
ഡിസംബര്‍ ഒന്നിനാണ് സംഭവം നടന്നത്. വേദിയിലെത്തിയ ആള്‍ വധുവിന്റെ മുന്‍ കാമുകനാണെന്നും ഇയാള്‍ ജോലി തേടി മറ്റ് സ്ഥലത്തേക്ക് പോയപ്പോള്‍ പെണ്‍കുട്ടിക്ക് മറ്റൊരാളുമായി വിവാഹം ഉറപ്പിച്ചുവെന്നും ഇതിന്റെ രോഷമാണ് വേദിയിലെത്തി തീര്‍ത്തതെന്നുമാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
വിവാഹവേദിയിലെ നാടകീയ രംഗങ്ങള്‍ ഇവിടെ അവസാനിച്ചില്ല. വധുവിന്റെ വീട്ടുകാര്‍ പോലീസിനെ ഉടനെ തന്നെ വിളിച്ച് വിവരം അറിയിച്ചു.
പിറ്റേ ദിവസം തന്നെ വധു തനിക്ക് ഉറപ്പിച്ച വരനെ വിവാഹം ചെയ്തു. മുന്‍കാമുകനെ സമന്വയിപ്പിച്ച് വീട്ടിലേക്ക് പറഞ്ഞയയ്ക്കുകയും ചെയ്തു. സംഭവത്തിന്റെ വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലാണ്.
