കൊച്ചി: “നിന്‍റെ കൈയില്‍ എക്സ്ട്രാ ലഡു എടുക്കാനുണ്ടോ’ – ഗൂഗിള്‍ പേ യൂസര്‍മാരെല്ലാം വാട്‌സ് ആപ്പിലും ഇന്‍സ്റ്റഗ്രാം ചാറ്റിലും ലഡു ചോദിച്ചു നടക്കുകയാണ്. കളര്‍ ലഡു, ഫുഡ്ഡി ലഡു, ഡിസ്‌കോ ലഡു, ദോസ്തി ലഡു, ട്വിങ്കിള്‍ ലഡു, പിന്നെ ട്രെന്‍ഡി ലഡു… ആറെണ്ണവും കിട്ടിയാല്‍ 51 രൂപ മുതല്‍ 1001 രൂപ വരെ ക്യാഷ് ബാക്കായി ലഭിക്കുമെന്നാണ് ഗൂഗിള്‍ പേ പറയുന്നത്.
ദീപാവലി സ്‌പെഷ്യല്‍ ലഡു കിട്ടാനായി ഗൂഗിള്‍ പേയില്‍ മിനിമം 100 രൂപയുടെ ട്രാന്‍സാക്ഷന്‍ എങ്കിലും നടത്തണം. മര്‍ച്ചന്‍റ് പേയ്‌മെന്‍റ്, മൊബൈല്‍ റീചാര്‍ജിംഗ്, അല്ലെങ്കില്‍ മറ്റുള്ളവര്‍ക്ക് പണം അയച്ചു കൊടുക്കല്‍ എന്നിവയിലൂടെയൊക്കെ ലഡു കിട്ടും.
മറ്റുള്ളവര്‍ക്ക് ലഡു ഗിഫ്റ്റ് ചെയ്യാനും ലഡുവിനായി റിക്വസ്റ്റ് ചെയ്യാനും സാധിക്കും. ഇതിനാല്‍ തന്നെ ചാറ്റ് ബോക്‌സുകളില്‍ എല്ലാം ഇപ്പോള്‍ ലഡുവിന് വേണ്ടിയുള്ള ചോദ്യങ്ങളാണ്. ഒക്‌ടോബര്‍ 21 മുതല്‍ നവംബര്‍ 07 വരെയാണ് ഗൂഗിള്‍ പേയുടെ ഈ ലഡു ഓഫര്‍ ലഭിക്കും.
ആദ്യത്തെ രണ്ട് ലഡുകള്‍ ഇഷ്ടം പോലെ കിട്ടാനുണ്ട്. ബാക്കി ഉള്ളവ കിട്ടാന്‍ അല്‍പം ബുദ്ധിമുട്ടാണ്. ട്വിങ്കിള്‍ ലഡു ആണ് കിട്ടാന്‍ ഏറ്റവും ബുദ്ധിമുട്ടെന്ന് ലഡു അന്വേഷകര്‍ പറയുന്നു.
ഇന്‍സ്റ്റ കമന്‍റ് ബോക്‌സുകളിലും ഫേസ്ബുക്കിലും ട്വിങ്കിള്‍ ലഡു ഉണ്ടോയെന്ന് ചോദിക്കുന്നവരുടെ എണ്ണവും കുറവല്ല.
