ടെൻ ഇയേഴ്സ് ചലഞ്ചിന് പിന്നാലെ പുതിയൊരു ചലഞ്ചും ഏറ്റെടുത്ത് മലയാളികൾ. വാർധക്യമാകുമ്പോൾ താൻ എങ്ങനെയിരിക്കും എന്ന് അറിയാൻ ഉത്കണ്ഠ ഇല്ലാത്തവരില്ല. ഫേസ്ബുക്കിൽ ട്രെൻഡാവുകയണ് ഫേസ് ആപ്പ്. അങ്ങനെ ആപ്പ് ഏറ്റെടുത്തവരിൽ മലയാളി സിനിമാതാരങ്ങളും.
മഞ്ജുവാര്യർ, കുഞ്ചാക്കോ ബോബൻ , സംയുക്തമേനോൻ, ജയസൂര്യ,നീരജ് മാധവ് ടോവിനോ, വിനയ്ഫോർട്ട്, എന്നിങ്ങനെ നിരവധി താരങ്ങളാണ് തങ്ങളുടെ വാർധക്യ കാലം എങ്ങനെയിരിക്കുമെന്ന് അറിയാൻ ഈ ആപ്പ് ഉപയോഗിച്ചിരിക്കുന്നത്.
വർഷങ്ങൾക്ക് മുന്പ് ഈ ആപ്പ് ഇറങ്ങിയിരുന്നെങ്കിലും ചില പോരായ്മകൾ ഉളളതിനാൽ അന്ന് ഈ ആപ്പ് ഇത്രയും പ്രചരിച്ചിരുന്നില്ല. പുതിയ ആപ്പിനെ ന്യൂജനറേഷൻ ഏറ്റെടുത്തതിനൊപ്പം സിനിമ താരങ്ങളും ഈ ആപ്പ് ഉപയോഗിച്ചുള്ള ചിത്രങ്ങൾ അവരുടെ സോഷ്യൽ മീഡിയയിൽ ഇട്ടതോടെ പുതിയ ചലഞ്ച് വൈറലാകുകയാണ്.
