പന്തളം: പതിനേഴുകാരിയെ വിവാഹ വാഗ്ദാനം നല്‍കി പീഡിപ്പിച്ച കേസില്‍ പത്തനാപുരം സ്വദേശിയെ പന്തളം പോലീസ് പിടികൂടി. കൊല്ലം പത്തനാപുരം കോട്ടവിളയില്‍ അരുണ്‍ രാജി (23 ) നെയാണ് പന്തളം പോലീസ് അറസ്റ്റ് ചെയ്തത്.
സാമൂഹിക മാധ്യമം വഴി പരിചയപ്പെട്ട പെണ്‍കുട്ടിയെ വിവാഹ വാഗ്ദാനം നല്‍കി പന്തളത്തെ പ്രൈവറ്റ് ബസ് സ്റ്റാന്‍ഡില്‍ എത്തിച്ച് അവിടെനിന്നും കടത്തിക്കൊണ്ടു പോയി ലൈംഗികമായി പീഡിപ്പച്ചതായാണ് കേസ്.
പെണ്‍കുട്ടിയെ കാണാനില്ലെന്ന വീട്ടുകാരുടെ പരാതിയില്‍ പോലീസ് കേസെടുത്തു അന്വേഷിച്ചു വരവേ ഇരുവരെയും പത്തനാപുരം ബസ്റ്റാന്‍ഡില്‍ നിന്ന് കസ്റ്റഡിയിലെടുത്തു.
കോഴിക്കോട്ടേക്ക് രക്ഷപ്പെടാന്‍ ശ്രമിക്കുന്നതിനിടയിലാണ് പിടിയിലായത്. പെണ്‍കുട്ടിയുടെ മൊഴി പ്രകാരം പോക്‌സോ നിയമമനുസരിച്ച് പ്രതിയെ അറസ്റ്റ് ചെയ്തു.
പന്തളം പോലീസ് ഇന്‍സ്‌പെക്ടര്‍ ടി.ഡി. പ്രജീഷ്, എഎസ്‌ഐ മഞ്ജു മോള്‍ തുടങ്ങിയവരടങ്ങുന്ന സംഘമാണ് അരുണ്‍രാജിന്‍റെ അറസ്റ്റ് രേഖപ്പെടുത്തിയത്.
