തിയറ്ററുകളിൽ ഓളമുണ്ടാക്കി ദുൽഖർ സൽമാന്‍റെ കോമ്രേഡ് ഇൻ അമേരിക്ക മുന്നേറുന്പോൾ ചെഗുവേരയുടെ ശബ്ദം എല്ലാവരേയും അന്പരപ്പിക്കുന്നു. ചെയും ലെനിനും കാറൾ മാർക്സുമാണ് ദുൽഖറിന്‍റെ നായക കഥാപാത്രത്തിന്‍റെ ആരാധ്യപുരുഷന്മാർ. അവരാണ് കഥാപാത്രത്തെ ജീവിതത്തിൽ നിർണായക തീരുമാനങ്ങൾ എടുക്കാൻ സഹായിക്കുന്നത്.
ആരാണ് ഈ ശബ്ദത്തിനു പിന്നിൽ എന്ന് ആർക്കും അറിവുണ്ടായിരുന്നില്ല. എന്നാൽ എല്ലാവരേയും അന്പരപ്പിച്ചുകൊണ്ട് ഇപ്പോൾ ആ ശബ്ദത്തിനുടമ ആരെന്നും സിനിമയുടെ സംവിധായകൻ അമൽ നീരദ് വെളിപ്പെടുത്തി. ആ ജനപ്രിയ വിപ്ലവകാരിയുടെ ശബ്ദമായത് മറ്റാരുമല്ല, മലയാളികളുടെ സ്വന്തം ഫഹദ് ഫാസിലാണ്.
