അൻവർ റഷീദ് സംവിധാനം ചെയ്യുന്ന ട്രാൻസ് എന്ന ചിത്രത്തിലൂടെ ഫഹദും നസ്രിയയും വീണ്ടും ഒന്നിക്കുന്നു. ഔദ്യോഗികമായ അറിയിപ്പ് ചിത്രത്തിന്‍റെ അണിയ പ്രവർത്തകരിൽ നിന്നും ഇതുവരെ ഉണ്ടായിട്ടില്ല. ഫഹദ് കഴിഞ്ഞിടെ നൽകിയ അഭിമുഖത്തെ ചുറ്റിപ്പറ്റിയാണ് ഈ വാർത്ത പ്രചരിക്കുന്നത്.
നസ്രിയയെ തന്‍റെ അടുത്ത ചിത്രത്തിൽ കാണാമെന്ന് അഭിമുഖത്തിനിടെ പറഞ്ഞതോടെയാണ് ട്രാൻസിൽ നസ്രിയ നായികയായി എത്തുമെന്ന ഊഹാപോഹം ഉയർന്നിരിക്കുന്നത്. ആറു വർഷത്തെ ഇടവേളയ്ക്കു ശേഷം അൻവർ റഷീദ് ഒരുക്കുന്ന ചിത്രമെന്ന നിലയിൽ ട്രാൻസ് ശ്രദ്ധനേടിയിരുന്നു.
വിൻസന്‍റ് വടക്കനാണ് ചിത്രത്തിന് തിരക്കഥയൊരുക്കുന്നത്. സൗബിൻ ഷാഹിർ, ചെമ്പൻ വിനോദ്, വിനായകൻ, ദിലീഷ് പോത്തൻ, ശ്രീനാഥ് ഭാസി എന്നിവരും പ്രധാന വേഷങ്ങളിലെത്തുന്നുണ്ട്.
