സൗന്ദര്യം മാത്രമല്ല ബുദ്ധിപരീക്ഷണവും സൗന്ദര്യമത്സരത്തിന്‍റെ അളവുകോലാണ്. ഇപ്പോഴിത സൗന്ദര്യമത്സരത്തിനിടെ വിധികർത്താക്കളുടെ ചോദ്യത്തിന് മത്സരാർത്തി നൽകിയ മറുപടി കേട്ട് തലയിൽ കൈവെക്കുകയാണ് ഏവരും. മിസ് വേൾഡ് ബംഗ്ലാദേശ് 2018 മത്സരത്തിന് പങ്കെടുത്ത ഒരാളോട് വിധികർത്താക്കളിൽ ഒരാൾ H2O എന്നാൽ എന്താണെന്ന് ചോദിച്ചു. ചോദ്യം കേട്ട് അമ്പരന്ന സുന്ദരി മറുപടി പറയാതെ ചിരിക്കുകയാണ് ചെയ്തത്.
മത്സരാർത്ഥിക്ക് ഉത്തരം അറിയില്ലെന്ന് മനസിലാക്കിയ വിധികർത്താവ് അത് വെള്ളമാണെന്ന് പറയുകയും ചെയ്തു. എന്നാൽ ഇതിനു മറുപടിയായി ഇവർ നൽകിയ മറുപടിയാണ് സദസിലിരുന്ന ഏവരെയും അമ്പരപ്പിച്ചത്. ധാക്കയിലെ മോൻഡിയിൽ H2O എന്ന് പേരുള്ള ഒരു റസ്റ്റൊറന്റ് ഉണ്ടെന്നാണ് ഇവർ പറഞ്ഞത്.
