മൊസറെല്ല ചീസ് എല്ലാവർക്കും പ്രിയപ്പെട്ടതാണ്. എന്നാൽ അര കിലോഗ്രാം മൊസറെല്ല തനിയെ കഴിക്കാൻ ആരെങ്കിലും നിങ്ങളെ വെല്ലുവിളിച്ചാലോ? നമ്മളിൽ ഭൂരിഭാഗവും മടിക്കും, പക്ഷേ യൂറോപ്യൻ വനിതയായ ലിയ ഷട്ട്‌കെവർ ഈ ചീസി ചലഞ്ച് ഏറ്റെടുക്കുക മാത്രമല്ല, വെറും 1 മിനിറ്റും 2.34 സെക്കൻഡും കൊണ്ട് 500 ഗ്രാം മൊസറെല്ല ചീസ് വിഴുങ്ങി ലോക റെക്കോർഡും സ്വന്തമാക്കി.
വീഡിയോയിൽ ലിയ ഷട്ട്‌കെവർ ഒരു മേശയുടെ മുന്നിൽ വെളുത്ത പ്ലേറ്റിൽ രണ്ട് വലിയ കട്ടകൾ മൊസറെല്ല ചീസ് വെച്ചിരിക്കുന്നതായി കാണാം. ടൈമർ ആരംഭിക്കുമ്പോൾ, അവൾ വേഗത്തിൽ ആദ്യത്തെത് അവളുടെ വായിൽ നിറയ്ക്കുകയും കുറച്ച് നിമിഷങ്ങൾക്കുള്ളിൽ അത് വലിച്ചെടുക്കുകയും ചെയ്യുന്നു. പിന്നീട് അവ മുഴുവനും കഴിച്ചു.
ശേഷം രണ്ടാമത്തെ ചീസ് ബ്ലോക്ക് കഴിക്കുമ്പോൾ, അവളുടെ മുഖത്ത് വിഷമത്തിന്‍റെ ലക്ഷണങ്ങൾ കാണിക്കുന്നുണ്ട് പിന്നീട് അവൾ കഴിക്കുന്നത് ഇടയ്ക്കിടെ അൽപ്പനേരം നിർത്തി.
എന്നിരുന്നാലും, അവൾ വെല്ലുവിളി പൂർത്തിയാക്കുന്നതുവരെ ശ്രമത്തിൽ നിന്ന് പിന്മാറിയില്ല. ലിയ ഷട്ട്‌കെവർ ഒരു റെക്കോർഡ് നേടുന്നത് ഇതാദ്യമായല്ല. 33 ഗിന്നസ് വേൾഡ് റെക്കോർഡ് തലക്കെട്ടുകളുള്ള ഇവർ ഒരു പ്രൊഫഷണൽ ഈറ്ററാണ് .
വീഡിയോ വെറും 12 മണിക്കൂറിനുള്ളിൽ 985k ആളുകളാണ് കണ്ടത്. നിരവധി ആളുകൾ വീഡിയോയ്ക്ക് കമന്‍റിട്ടു . ഒരാൾ പരിഹസിച്ചുകൊണ്ട്, ‘ഇത് കണ്ടതിന് എനിക്ക് ഒരു ലോക റെക്കോർഡ് തരൂ’. മറ്റൊരാൾ ‘ഇത് എങ്ങനെയായിരിക്കും?’ എന്ന സംശയം പ്രകടിപ്പിച്ചു. എന്നാൽ ഈ വെല്ലുവിളിക്ക് ശേഷം അവൾ ആശുപത്രിയിൽ പോകും, എന്നായിരുന്നു മറ്റൊരു കമന്‍റ്. ‘ഇത് കണ്ട് ഞാൻ രണ്ടുതവണ ഛർദ്ദിച്ചു’, എന്നുള്ള കമന്‍റും വന്നു.
വീഡിയോ കാണാൻ ഇവിടെ ക്ലിക്ക് ചെയ്യുക
