മാന്നാർ: പത്താം ക്‌ളാസ് വിദ്യാർഥിനിയെ ഫേസ്ബുക്കിലൂടെ പരിചയപ്പെട്ടു പ്രണയം നടിച്ച് പെൺകുട്ടിയെ കൊണ്ടു തന്‍റെ നഗ്ന ഫോട്ടോകളും വീഡിയോകളും അയപ്പിച്ചു വാങ്ങി പ്രായപൂർത്തിയാകാത്ത പെൺകുട്ടിയെ ലൈംഗിക ചൂഷണം നടത്തിയതിനു പോക്സോ നിയമപ്രകാരം യുവാവിനെ മാന്നാർ പോലീസ് അറസ്റ്റ് ചെയ്തു.
കരുനാഗപ്പള്ളി ആദിനാട് അയ്യങ്കോയിക്കൽ പുത്തൻവീട്ടിൽ സുദർശനൻ മകൻ സുജിത്(30) ആണ് അറസ്റ്റിലായത്.മാന്നാർ എസ്എച്ച്ഒ ജി. സുരേഷ് കുമാറിന്‍റെ നേതൃത്വത്തിൽ എസ്ഐമാരായ സുനുമോൻ, ശ്രീകുമാർ, സിപിഒമാരായ വിഷ്ണുപ്രസാദ്, ഷിഹാബ് എന്നിവർ ചേർന്നാണ് കരുനാഗപ്പള്ളി വലിയഴീക്കൽ ഭാഗത്തു നിന്നും പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ ആലപ്പുഴ ജില്ലാ ജയിലിൽ റിമാൻഡ് ചെയ്തു.
