പ്രാഗ്: ഇതിഹാസങ്ങൾ കളത്തിലൊന്നിച്ചപ്പോൾ വിജയത്തിനും കളംമാറ്റിച്ചവുട്ടാൻ കഴിഞ്ഞില്ല. ടെന്നീസ് ഇതിഹാസങ്ങളായ റോജർ ഫെഡററും റേഫേൽ നദാലും ഡബിൾസ് മത്സരങ്ങൾക്കായി ഒന്നിച്ചപ്പോൾ ആദ്യ മത്സരത്തിൽതന്നെ വിജയം സ്വന്തമാക്കി. പ്രാഗിലെ ലാവർ കപ്പിലാണ് ഇതിഹാസങ്ങൾ ഒന്നിച്ചത്.
മൂന്നു ദിവസത്തെ ടൂർണമെന്‍റിൽ യൂറോപ്പിനു വേണ്ടിയാണ് സ്വിസ്-സ്പാനിഷ് ജോഡി റാക്കറ്റേന്തിയത്. ഉദ്ഘാടന മത്സരത്തിൽ അമേരിക്കൻ ജോഡിയായ സാം ക്വെറി- ജാക്ക് സോക്ക് സഖ്യത്തെയാണ് പരാജയപ്പെടുത്തിയത്. ഒന്നിനെതിരെ രണ്ട് സെറ്റുകൾക്കായിരുന്നു നദാൽ-ഫെഡറർ വിജയം. സ്കോർ: 6-4, 1-6, 10-5. ജയത്തോടെ ടീം യൂറോപ്പിന് 9-3 ന്‍റെ ലീഡായി.
