”ഒരഞ്ചെണ്ണം വിട്ടാൽ പൂസാകുമോ സാറോ..! അ​ടി​ച്ച് പൂ​ക്കു​റ്റി​യാ​യി’ യു​വ​തി​യു​ടെ ഡ്രൈ​വിം​ഗ്‌; സ്കൂ​ട്ട​ർ യാ​ത്രി​ക​രാ​യ ദ​മ്പതി​ക​ളെ ഇ​ടി​ച്ചുവീ​ഴ്ത്തി; അക്രമാസക്തയായ യുവതിയുടെ പരാക്രമം ഞെട്ടിക്കുന്നത്

മാ​ഹി: മ​ദ്യ​ല​ഹ​രി​യി​ൽ കാർ ഓ​ടി​ച്ച യു​വ​തി സ്കൂ​ട്ട​ർ യാ​ത്രി​ക​രാ​യ ദ​ന്പ​തി​ക​ളെ ഇ​ടി​ച്ചു വീ​ഴ്ത്തി. ആ​ളു​ക​ൾ കൂ​ടി​യ​തോ​ടെ ന​ടു​റോ​ഡി​ൽ പ​രാ​ക്ര​മ​വും സം​ഭ​വ​ത്തെക്കു​റി​ച്ച് അ​ന്വേ​ഷി​ച്ച ബൈ​ക്ക് യാ​ത്രി​ക​ന്‍റെ ഫോ​ൺ ത​ട്ടി​പ്പ​റി​ച്ച് റോ​ഡി​ൽ എ​റി​ഞ്ഞു​ട​ച്ചു.

പ​ന്ത​ക്ക​ൽ പോ​ലീ​സ് സ്റ്റേ​ഷ​ൻ പ​രി​ധി​യി​ലെ പ​ന്തോ​ക്കാ​വി​ന് സ​മീ​പം ഇ​ന്ന​ലെ വൈ​കിട്ടായി​രു​ന്നു വ​ട​ക്കു​ന്പാ​ട് സ്വ​ദേ​ശി​നി​യാ​യ യു​വ​തി​യു​ടെ പ​രാ​ക്ര​മം. മൂ​ഴി​ക്ക​ര​യി​ലെ പ്ര​ശാ​ന്തും ഭാ​ര്യ​യും കു​ട്ടി​യും സ​ഞ്ച​രി​ച്ച സ്കൂ​ട്ട​റി​ലാ​ണ് കാർ ഇ​ടി​ച്ച​ത്. അ​പ​ക​ട​ത്തി​ൽ മൂ​വ​ർ​ക്കും പ​രി​ക്കേ​റ്റു.

അ​പ​ക​ടം ന​ട​ന്ന​യു​ട​നെ പ​രി​സ​ര​വാ​സി​ക​ൾ കൂ​ട്ട​മാ​യി എ​ത്തി​യ​തോ​ടെ യു​വ​തി കാ​റി​ൽ നി​ന്നി​റ​ങ്ങി അ​ക്ര​മാ​സ​ക്ത​മാ​കു​ക​യാ​യി​രു​ന്നു.

ഇ​തി​നി​ടെ ബൈ​ക്ക് യാ​ത്രി​ക​നാ​യ പാ​നൂ​ർ സ്വ​ദേ​ശി എ​ന്താ​ണ് കാ​ര്യ​മെ​ന്ന് തി​രി​ക്കി​യ​പ്പോ​ൾ പ്ര​കോ​പി​ത​യാ​യ യു​വ​തി ഇ​യാ​ളു​ടെ മൊ​ബൈ​ൽ ഫോ​ൺ ബ​ല​മാ​യി പി​ടി​ച്ചെ​ടു​ത്ത് റോ​ഡി​ൽ എ​റി​ഞ്ഞു​ട​യ​ക്കു​ക​യും സ​മീ​പ​ത്തു​ണ്ടാ​യി​രു​ന്ന​വ​രെ കൈ​യേ​റ്റം ചെ​യ്യു​ക​യും ചെ​യ്തു.

വി​വ​ര​മ​റി​ഞ്ഞ് സ്ഥ​ല​ത്തെ​ത്തി​യ പ​ന്ത​ക്ക​ൽ എ​സ്ഐ ‌പി.​പി. ജ​യ​രാ​ജ​ൻ, എ​എ​സ്ഐ എ.​വി.​മ​നോ​ജ് കു​മാ​ർ എ​ന്നി​വ​ര​ട​ങ്ങു​ന്ന പോ​ലീ​സ് സം​ഘ​മെ​ത്തി യു​വ​തി​യെയും‌ യു​വ​തി ഓ​ടി​ച്ചു വ​ന്ന കാറും ക​സ്റ്റ​ഡി​യി​ലെ​ടു​ത്തു. മ​ദ്യ​പി​ച്ച് വാ​ഹ​ന​മോ​ടി​ച്ച​തി​ന് യു​വ​തി​ക്കെ​തി​രേ പോ​ലീ​സ് കേ​സ് ര​ജി​സ്റ്റ​ർ ചെ​യ്തു.