ഇ​രു​ട്ടി വെ​ളു​ക്കു​മ്പോ​ൾ പാ​ട​മെ​ല്ലാം ക​ര​യാ​വു​ന്നു; പരാതിപ്പെട്ടാൽ ഗുണ്ടകൾ വീട്ടിൽ കയറി മർദിക്കും; നടപടിയെടുക്കേണ്ടവർ ഒന്നും ചെയ്യുന്നില്ലെന്ന് നാട്ടുകാർ

ഹ​രി​പ്പാ​ട്: വേ​ന​ലാ​യ​തോ​ടെ പ​ള്ളി​പ്പാ​ട് പ​ഞ്ചാ​യ​ത്തി​ൽ നെ​ൽ​വ​യ​ലു​ക​ളും ത​ണ്ണീ​ർത്ത​ട​ങ്ങ​ളും വ്യാ​പ​ക​മാ​യി നി​ക​ത്തു​ന്ന​താ​യി പ​രാ​തി. അ​ന​ധി​കൃ​ത​മാ​യി നെ​ൽ​വ​യ​ലു​ക​ൾ നി​ക​ത്താ​ൻ ഗ്രാ​വ​ലു​മാ​യി എ​ത്തി​യ ലോ​റി​ക​ൾ എ​ഐ​വൈ​എ​ഫി​ന്‍റെ നേ​തൃ​ത്വ​ത്തി​ൽ ത​ട​ഞ്ഞു പ്ര​തി​ഷേ​ധി​ച്ചു.

പ​റ​യ​ങ്കേ​രി പാ​ല​ത്തി​ന് ഇ​രു​വ​ശം, കു​രീ​ക്കാ​ട് ജം​ഗ്ഷ​ന് തെ​ക്ക്, നാ​ലു​കെ​ട്ടും ക​വ​ല, കു​രീ​ത്ര റോ​ഡി​നു സ​മീ​പം, കൊ​ളാ​ച്ചി​റ പാ​ല​ത്തി​ന് തെ​ക്ക്, അ​ര​യാ​കു​ള​ങ്ങ​ര ക്ഷേ​ത്ര​ത്തി​നു സ​മീ​പം, ആ​ഞ്ഞി​ലി​മൂ​ട് പാ​ല​ത്തി​ന് ഇ​രു​വ​ശം, കൊ​ങ്ങി​നേ​ത്ത് സ്കൂ​ളി​ന്‍റെ വ​ട​ക്കു​വ​ശം എ​ന്നീ ഭാ​ഗ​ങ്ങ​ളി​ലെ നെ​ൽ​വ​യ​ലു​ക​ൾ വ്യാ​പ​ക​മാ​യി നി​ക​ത്ത​പ്പെ​ടു​ക​യാ​ണ്.

രാ​ത്രി​കാ​ല​ങ്ങ​ളി​ൽ നൂ​റു​ക​ണ​ക്കി​നു ലോ​റി​ക​ളി​ൽ ഗ്രാ​വ​ലും കെ​ട്ടി​ടാ​വ​ശി​ഷ്ട​ങ്ങ​ളും എ​ത്തി​ച്ചാ​ണ് ഒ​രു പ്ര​ദേ​ശം മു​ഴു​വ​ൻ നി​ക​ത്തു​ന്ന​ത്. നേ​രം വെ​ളു​ക്കു​മ്പോ​ഴേ​ക്കും ഏ​ക്ക​ർ ക​ണ​ക്കി​നു നെ​ൽ​പ്പാ​ട​ങ്ങ​ൾ ക​ര​യാ​യി മാ​റു​ന്ന സ്ഥി​തി​യാ​ണെ​ന്നു നാ​ട്ടു​കാ​ർ പ​റ​യു​ന്ന​ത്.

ന​ട​പ​ടി​യെ​ടു​ക്കാ​ൻ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ ത​യാ​റാ​കു​ന്നി​ല്ലെ​ന്നും പ​രാ​തി​യു​ണ്ട്.അ​ന​ധി​കൃ​ത​മാ​യി നി​ക​ത്തു​ന്ന​ത് പ​രാ​തി​പ്പെ​ട്ടാ​ൽ പ​രാ​തി​പ്പെ​ടു​ന്ന​വ​രു​ടെ പേ​രും വി​ലാ​സ​വും ചി​ല ജീ​വ​ന​ക്കാ​ർ​ത​ന്നെ ഭൂ​മാ​ഫി​യ സം​ഘ​ത്തി​നു കൈ​മാ​റു​ക​യാ​ണെ​ന്നും ഗു​ണ്ടാ സം​ഘ​ങ്ങ​ൾ വീ​ട്ടി​ൽ ക​യ​റി ഭീ​ഷ​ണി​പ്പെ​ടു​ത്തു​ന്ന​താ​യും നാ​ട്ടു​കാ​ർ പ​രാ​തി​പ്പെ​ടു​ന്നു.

എ​ഐ​വൈ​എ​ഫ് മ​ണ്ഡ​ലം പ്ര​സി​ഡ​ന്‍റ് എ​സ്. ശ്രീ​ജി​ത്ത്, മ​ണ്ഡ​ലം ക​മ്മി​റ്റി അം​ഗം വി​നീ​ഷ്, അ​ഭി​ജി​ത്ത്, ഷി​നോ​യി, സു​നി​ൽ, ദേ​വ​ദാ​സ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് പ്ര​തി​ഷേ​ധം സം​ഘ​ടി​പ്പി​ച്ച​ത്.