മോസ്കോ: 2022 ഖത്തർ ലോകകപ്പിന്റെ തീയതി പ്രഖ്യാപിച്ചു. നവംബർ 21 മുതൽ ഡിസംബർ 18വരെയാണ് ലോകകപ്പ് നടക്കുകയെന്ന് ഫിഫ പ്രസിഡന്‍റ് ഇൻഫാന്റീനോ അറിയിച്ചു. നിലവിലെ 32 ടീമുകൾ എന്ന രീതിക്കു പകരം ടീമുകളുടെ പങ്കാളിത്തം 48 ആക്കുന്നതിനെക്കുറിച്ച് പിന്നീട് തീരുമാനിക്കുമെന്ന് ഫിഫ അറിയിച്ചു.
അതേസമയം, തീയതി പ്രഖ്യാപനത്തിനെതിരേ യൂറോപ്യൻ ആരാധകർ രംഗത്തെത്തി. ഇതാദ്യമായാണ് നവംബർ-ഡിസംബർ മാസങ്ങളിൽ ലോകകപ്പ് നടക്കുന്നത്. സാധാരണ നിലയിൽ മെയ്- ജൂൺ മാസങ്ങളിലാണ് ലോകകപ്പ് നടക്കുക. ഖത്തറിലെ കാലാവസ്ഥ പരിഗണിച്ചാണ് തീയതികൾ മാറ്റിയത്.
