ധ​ന​സ​ഹാ​യം വാ​ഗ്ദാ​നംചെ​യ്തു ത​ട്ടി​പ്പ്: പ്രതിയുടെ സി​സി​ടി​വി ദൃ​ശ്യം പു​റ​ത്തു​വി​ട്ടു പോലീസ്

കൊ​ല്ലം: പ​ള്ളി​യി​ൽ നി​ന്ന് വി​ധ​വ​ക​ൾ​ക്കു​ള്ള ധ​ന​സ​ഹാ​യം അ​നു​വ​ദി​ച്ചു എ​ന്നു പ​റ​ഞ്ഞ് വീ​ട്ട​മ്മ​യി​ൽ നി​ന്ന് 7000 രൂ​പ ത​ട്ടി​യെ​ടു​ത്ത ആ​ളി​ന്‍റെ സി​സി​ടി​വി ചി​ത്രം പോ​ലീ​സ് പു​റ​ത്തു​വി​ട്ടു.

മ​യ്യ​നാ​ട് – മു​ക്കം റോ​ഡി​ൽ ഗു​രു​നാ​ഗ​പ്പ​ൻ കാ​വി​ന് സ​മീ​പം കാ​വ​ഴി​ക​ത്ത് വീ​ട്ടി​ൽ ശ​കു​ന്ത​ള​യാ​ണ് ത​ട്ടി​പ്പി​ന് ഇ​ര​യാ​യ​ത്.പ​ള്ളി​യു​ടെ പ്ര​തി​നി​ധി എ​ന്ന് പ​റ​ഞ്ഞ് ശ​കു​ന്ത​ള​യു​ടെ വീ​ട്ടി​ൽ എ​ത്തി​യ​യാ​ൾ പെ​ൺ മ​ക്ക​ളു​ള്ള വി​ധ​വ​ക​ൾ​ക്ക് മൂ​ന്ന് ല​ക്ഷം രൂ​പ അ​നു​വ​ദി​ച്ച കാ​ര്യം പ​റ​ഞ്ഞു.

ര​ണ്ട് ല​ക്ഷം രൂ​പ വീ​ട് വ​യ്ക്കു​ന്ന​തി​നും ഒ​രു ല​ക്ഷം രൂ​പ ധ​ന​സ​ഹാ​യ​വു​മാ​ണെ​ന്ന് പ​റ​ഞ്ഞു.തു​ക ല​ഭി​ക്കാ​ൻ അ​നാ​ഥ മ​ന്ദി​ര​ത്തി​ന് 7000 രൂ​പ സം​ഭാ​വ​ന ന​ൽ​കി ര​സീ​ത് ന​ൽ​ക​ണ​മെ​ന്നും ശ​കു​ന്ത​ള​യോ​ട് പ​റ​ഞ്ഞു.

ധ​ന​സ​ഹാ​യ​ത്തി​ന് അ​പേ​ക്ഷ ന​ൽ​കി​യി​ട്ടി​ല്ല​ന്ന് പ​റ​ഞ്ഞ​പ്പോ​ൾ പ​ള്ളി​യി​ൽ നി​ന്ന് ന​ൽ​കി​യ ലി​സ്റ്റി​ൽ പേ​രു​ണ്ട​ന്ന് പ​റ​ഞ്ഞ് വി​ശ്വ​സി​പ്പി​ച്ചു.

അ​ങ്ങ​നെ ശ​കു​ന്ത​ള അ​യ​ൽ​ക്കാ​രി​ൽ നി​ന്ന് 3000 രൂ​പ​യും വാ​ങ്ങി എ​ടി​എ​മ്മി​ൽ നി​ന്ന് 4000 രൂ​പ​യും പി​ൻ​വ​ലി​ച്ച് ഇ​യാ​ൾ​ക്ക് ന​ൽ​കി.

ര​ണ്ട് മ​ണി​ക്കൂ​ർ ക​ഴി​ഞ്ഞ് തി​രി​കെ എ​ത്തു​മെ​ന്ന് പ​റ​ഞ്ഞ ഇ​യാ​ൾ പി​ന്നീ​ട് വ​ന്നി​ല്ല. സം​ശ​യം തോ​ന്നി​യ വീ​ട്ട​മ്മ മ​യ്യ​നാ​ട്ടു​ള്ള പ​ള്ളി​യി​ൽ അ​ന്വേ​ഷി​ച്ച​പ്പോ​ഴാ​ണ് സം​ഗ​തി ത​ട്ടി​പ്പാ​ണ​ന്ന് മ​ന​സി​ലാ​യ​ത്.

തു​ട​ർ​ന്ന് ശ​കു​ന്ത​ള ഇ​ര​വി​പു​രം പോ​ലീ​സി​ൽ പ​രാ​തി ന​ൽ​കി. പാ​ന്‍റും ഷ​ർ​ട്ടും ധ​രി​ച്ച സു​മു​ഖ​നാ​യ യു​വാ​വാ​ണ് ഇ​വ​രു​ടെ വീ​ട്ടി​ൽ എ​ത്തി​യ​ത്.

അ​വി​ടെ ചെ​ല്ലു​ന്ന​തി​ന് മു​മ്പ് ഇ​യാ​ൾ സ​മീ​പ​ത്തെ ക​ട​യി​ൽ നി​ന്ന് ശ​കു​ന്ത​ള​യു​ടെ വീ​ട്ടു​കാ​ര്യ​ങ്ങ​ൾ വി​ശ​ദ​മാ​യി അ​ന്വേ​ഷി​ച്ച​താ​യി പോ​ലി​സി​ന് വി​വ​രം ല​ഭി​ച്ചി​ട്ടു​ണ്ട്.