കരുനാഗപ്പള്ളി: കയർ സംഭരണശാലയിൽ വൻതീപിടുത്തത്തിൽ ഒരു കോടിയിൽപ്പരം രൂപയുടെ നഷ്ടം. ക്ളാപ്പന ആലുംപിടിക കോണത്തേരിൽ രാജന്‍റെ ഉടമസ്ഥയിലുള്ള കയർ സംഭരണകേന്ദ്രത്തിലാണ് രാത്രി പന്ത്രണ്ടോടെ തീപിടുത്തം ഉണ്ടായത്.
സംഭരണ കേന്ദ്രത്തിലുണ്ടായിരുന്ന ചകിരിയും കയറും പൂർണ്ണമായും കത്തിനശിച്ചതായി ഉടമ പറഞ്ഞു. സംഭരണശാലക്ക് സമീപമായി കയർ കയറ്റി ഇട്ടിരുന്ന ലോറിയും കത്തിനശിച്ചു. പുലർച്ചെയോടെയാണ് തീ നിയന്ത്രണവിധേയമായത്.
തീപിടുത്തത്തിന്‍റെ കാരണം വ്യക്തമല്ല.ശബ്ദം കേട്ട് എത്തിയ നാട്ടുകാരും കരുനാഗപ്പള്ളി ,കായംകുളം എന്നിവിടങ്ങളിൽ നിന്നും ഫയർഫോഴ്സ് യൂണിറ്റും എത്തി തീ അണച്ചു. ഓച്ചിറ പോലീസ് എത്തി മേൽനടപടികൾ സ്വീകരിച്ചു.
