തിരുവനന്തപുരം: നെയ്യാറ്റിൻകരയിൽ ജപ്തി ഭീഷണിയേത്തുടർന്ന് ആത്മഹത്യ. മാരായമുട്ടത്ത് അമ്മയും മകളുമാണ് തീകൊളുത്തി ആത്മഹത്യയ്ക്ക് ശ്രമിച്ചത്. മകൾ വൈഷ്ണവി (19) സംഭവസ്ഥലത്തുവച്ചു തന്നെ മരിച്ചു. അമ്മ ലേഖയെ ഗുരുതര പൊള്ളലുകളോടെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇവരുടെ ശരീരത്തിൽ 90 ശതമാനം പൊള്ളലേറ്റിട്ടുണ്ടെന്നാണ് വിവരം.
നെയ്യാറ്റിൻകരയിലെ കാനറാ ബാങ്കിൽ നിന്ന് ഇവർ അഞ്ച് ലക്ഷം രൂപ വായ്പയെടുത്തിരുന്നു. ഇത് പലിശ സഹിതം തിരിച്ചടക്കേണ്ടത് 6,80,000 രൂപയായിരുന്നു. തിരിച്ചടക്കേണ്ട കാലാവധി കഴിഞ്ഞതോടെ ബാങ്ക് ജപ്തി നോട്ടീസ് അയച്ചു. വീടും സ്ഥലവും സമ്പാദ്യവും നഷ്ടപ്പടെും എന്ന ഭീതിയിൽ മനംനൊന്താണ് ആത്മഹത്യാശ്രമമെന്നാണ് പ്രാഥമിക നിഗമനം.
എന്നാൽ തങ്ങൾ ഈ വിഷയത്തിൽ ലേഖയുടെ കുടുംബത്തിനുമേൽ സമ്മർദം ചെലുത്തിയിരുന്നില്ലെന്ന് ബാങ്ക് അധികൃതർ വ്യക്തമാക്കി.
