കുട്ടികള്‍ കാണിക്കുന്ന അബദ്ധങ്ങള്‍ പലപ്പോഴും മാതാപിതാക്കള്‍ക്ക് തലവേദനയാകാറുണ്ട്. അത്തരത്തിലൊരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. ഒന്നു മറിയാത്ത കൊച്ചുകുട്ടിയല്ല ഇവിടെ വികൃതിത്തരം കാട്ടിയത് മറിച്ച് 21 വയസുള്ള ഒരു യുവതിയാണ് എന്നു മാത്രം.
വാഷിംഗ് മെഷീനുള്ളില്‍ കുടുങ്ങിയ റോസീ കോള്‍ എന്ന പെണ്‍കുട്ടിയെ രക്ഷപ്പെടുത്തുന്നതിന്റെ വീഡിയോയാണ് ഇപ്പോള്‍ വൈറലാകുന്നത്. ബ്രിട്ടീഷ് സ്വദേശിയായ റോസിയും സുഹൃത്തുക്കളും അല്‍പം മദ്യപിച്ചിരുന്നു. ശേഷം വര്‍ത്തമാനത്തിനിടയില്‍ ചെറിയൊരു വെല്ലുവിളിയും നടന്നു.
വാഷിംഗ് മെഷീനുള്ളില്‍ കയറിയിറങ്ങുക. മദ്യലഹരിയില്‍ സംഗതി എളുപ്പമാണെന്നു വിചാരിച്ച റോസി വാഷിംഗ് മെഷീനില്‍ കയറി ഇറങ്ങാന്‍ ശ്രമിച്ചപ്പോള്‍ വാഷിംഗ് മെഷീന്റെ ഡ്രൈയറില്‍ കുടുങ്ങുകയായിരുന്നു.
സുഹൃത്തുക്കളും റോസിയെ രക്ഷപ്പെടുത്താന്‍ ശ്രമിച്ചെങ്കിലും ഫലം കണ്ടില്ല. പിന്നെ വൈകാതെ ഫയര്‍ഫോഴ്‌സിനെ വിളിക്കുകയായിരുന്നു. റോസി വാഷിംഗ് മെഷീനകത്ത് കുടുങ്ങുമെന്ന് ഒരിക്കലും കരുതിയിരുന്നില്ലെന്ന് സുഹൃത്തുക്കള്‍ പറയുന്നു.
താന്‍ ഇറങ്ങാന്‍ ശ്രമിച്ചപ്പോള്‍ കഴിയാതിരുന്നതിനെ തുടക്കത്തില്‍ സുഹൃത്തുക്കള്‍ കളിയായാണ് എടുത്തതെന്ന് റോസി പറയുന്നു. എന്നാല്‍ തന്റെ കാലുകളും ഇടുപ്പിന്റെ ഭാഗവും അനക്കാന്‍ കഴിയുന്നില്ലെന്ന് മനസ്സിലായതോടെ ഭയന്നുപോയി. സുഹൃത്തുക്കള്‍ വലിച്ചെടുക്കാന്‍ ശ്രമിച്ചെങ്കിലും കഴിഞ്ഞില്ല. തുടര്‍ന്നാണ് ഫയര്‍ഫോഴ്‌സിനെ വിളിച്ചത്.
ഫയര്‍ഫോഴ്‌സിനെ വിളിച്ചപ്പോള്‍ എത്ര വയസ്സുള്ള പെണ്‍കുട്ടിയാണെന്നാണ് അവര്‍ ആദ്യം ചോദിച്ചത്. 21കാരിയാണെന്നറിഞ്ഞപ്പോള്‍ ഫയര്‍ഫോഴ്‌സുകാരുടെ കിളിപോയി. ഒടുവില്‍ മൂന്നു പേര്‍ ചേര്‍ന്ന് റോസിയെ വാഷിംഗ് മെഷീനില്‍ നിന്ന് പുറത്തെടുക്കുന്നതിന്റെ വീഡിയോയും റോസി പങ്കു വെച്ചിട്ടുണ്ട്.
