മല്ലപ്പള്ളി: വീടുകളുടെ ജനാലകളിൽ സ്റ്റിക്കർ പതിച്ച ഭയപ്പെടുത്തിയതിന് പിന്നാലെ വീട്ടുമുറ്റത്ത് തീ കത്തിച്ചുവയ്ക്കുന്ന പുതിയ തന്ത്രവുമായി സാമൂഹിക വിരുദ്ധർ രംഗത്ത്. കഴിഞ്ഞദിവസം രാത്രി പത്തോടെ കുറ്റിപ്പൂവം തോമസ് ജോണിന്‍റെ വീടിന് പുറകിലെ അലക്കുകല്ലിന്‍റെ മുകളിലാണ് വിറക് അടുക്കി, പ്ലാസ്റ്റിക്കും കൂട്ടിവച്ച് തീ കൊടുത്തത്.
ഒരുമണിക്കൂറോളം തീ കത്തിയതായി വീട്ടുകാർ പറഞ്ഞു. സംഭവമറിഞ്ഞ് നാട്ടുകാർ തടിച്ചുകൂടി. കീഴ്വായ്പ്പൂര് പോലീസെത്തി അന്വേഷണം ആരംഭിച്ചു. രാത്രികാലങ്ങളിൽ ഈ ഭാഗങ്ങളിൽ പട്രോളിംഗ് നടത്തണമെന്ന് നാട്ടുകാർ ആവശ്യപ്പെട്ടു.
