പക്ഷിയിൽനിന്നു തീ പടർന്ന് ഏഴു ഹെക്‌ടർ കൃഷിസ്ഥലം നശിച്ചു. ജർമനിയിലെ തീരദേശ നഗരമായ റോസ്റ്റോകിൽ കഴിഞ്ഞ ദിവസമാണ് സംഭവം. റെയിൽവേ വൈദ്യുതലൈനിൽനിന്നു തീപിടിച്ച പക്ഷി പുൽപ്പടർപ്പിൽ വീണതിനേത്തുടർന്നായിരുന്നു അപകടം.
ഉടൻ സ്ഥലത്തെത്തിയ 10 യൂണിറ്റ് അഗ്നിശമന വാഹനങ്ങളും രണ്ടു ഹെലികോപ്റ്ററുകളും മണിക്കൂറുകൾ പണിപ്പെട്ടാണു തീ നിയന്ത്രണവിധേയമാക്കിയത്. വൻ നാശനഷ്ടമുണ്ടായതായാണ് വിവരം. എന്നാൽ, ആളപായമുള്ളതായി റിപ്പോർട്ടുകളില്ല.
