മെഷീൻ പറയും രോഗമെന്തെന്ന്! ഫി​സാ​റ്റ് കണ്ടുപിടിത്തത്തിന് ദേ​ശീ​യ അം​ഗീ​കാ​രം

അ​ങ്ക​മാ​ലി: ദേ​ശീ​യ​ത​ല​ത്തി​ൽ വി​വി​ധ എ​ൻ​ജി​നീ​യ​റിം​ഗ് കോ​ള​ജു​ക​ളെ പങ്കെടുപ്പിച്ച് ഐ​ഐ​ടി മും​ബൈ സം​ഘ​ടി​പ്പി​ച്ച ഇ-​മോ​ട്ടോ​ർ മീ​റ്റി​ൽ മൂക്കന്നൂർ ഫി​സാ​റ്റ് എ​ൻ​ജി​നീ​യ​റിം​ഗ് കോ​ള​ജി​ന് മി​ക​ച്ച വി​ജ​യം. ഫി​സാ​റ്റി​ലെ വി​ദ്യാ​ർ​ഥി​ക​ൾ വി​ക​സി​പ്പി​ച്ചെ​ടു​ത്ത ഡി​സീ​സ് ഡ​യ​ഗ​ണോ​സ്റ്റി​ക് മെ​ഷീ​നാണ് മ​ത്സ​ര​ത്തി​ൽ വി​ജ​യം നേ​ടി. ആ​ദ്യ ഘ​ട്ട​ത്തി​ൽ 250 കോ​ള​ജു​ക​ൾ അ​ണിനി​ര​ന്ന​പ്പോ​ൾ ഫൈ​ന​ലി​ന് 18 കോ​ള​ജു​ക​ളി​ൽ നി​ന്നു​ള്ള ടീ​മു​ക​ളാ​ണ് യോ​ഗ്യ​ത നേ​ടി​യ​ത്.

ആ​ശു​പ​ത്രി​യി​ൽ പോ​കാ​തെ ത​ന്നെ പ​ത്തോ​ളം അ​സു​ഖ​ങ്ങ​ൾ തി​രി​ച്ച​റി​യാൻ വ​ഴി​യൊ​രു​ക്കു​ന്ന മെ​ഷീ​നാ​ണ് വി​ദ്യാ​ർ​ഥി​ക​ൾ വി​ക​സി​പ്പി​ച്ചെ​ടു​ത്ത​ത്. ഈ ​അ​സു​ഖ​ങ്ങ​ൾ​ക്കു​ള്ള മ​രു​ന്നു​ക​ളും മെ​ഷീ​നി​ൽ നി​ന്ന് ല​ഭി​ക്കും. ഒ​രു രോ​ഗി മെ​ഷീ​ന്‍റ മു​ന്നി​ൽ ഒ​രു​ക്കി​യി​രി​ക്കു​ന്ന സ്റ്റാ​ൻ​ഡി​ൽ നി​ൽ​ക്കു​മ്പോ​ൾ അ​യാ​ളു​ടെ ക​ണ്ണു​ക​ളി​ൽ ഐ​റി​സി​ൽ സി​ഗ്ന​ലു​ക​ൾ ക​ട​ത്തി വി​ട്ടു പ​രി​ശോ​ധി​ക്കു​ന്ന​തി​നൊ​പ്പം ശ്വാ​സോഛ്വാ​സം ക്ര​മ​പ്പെ​ടു​ത്തി​യു​മാ​ണ് പ​രി​ശോ​ധ​ന​ക​ൾ ന​ട​ത്തു​ന്ന​ത്.

മെ​ഷീ​നി​ൽ പ​രി​ശോ​ധ​ന ന​ട​ത്തു​മ്പോ​ൾ രോ​ഗി​ക്കാ​വ​ശ്യ​മാ​യ നി​ർ​ദേ​ശ​ങ്ങ​ൾ മെ​ഷീ​ൻ ത​ന്നെ ന​ൽ​കും. ബി​പി, കൊ​ള​സ്‌​ട്രോ​ൾ, പ​നി, ഷു​ഗ​ർ തു​ട​ങ്ങി പ​ത്തോ​ളം അ​സു​ഖ​ങ്ങ​ളാ​ണ് ഉ​പ​ക​ര​ണ​ത്തി​ന്‍റെ സ​ഹാ​യ​ത്തോ​ടെ ക​ണ്ടു​പി​ടി​ക്കാ​ൻ സാ​ധി​ക്കു​ന്ന​ത്.

ഉ​പ​ക​ര​ണ​ത്തി​ന്‍റെ സ​ഹാ​യ​ത്തോ​ടെ ഒ​രാ​ളു​ടെ അ​സു​ഖം ക​ണ്ടെ​ത്തി​യാ​ൽ കൂ​ടു​ത​ൽ ഉ​റ​പ്പു വ​രു​ത്തു​ന്ന​തി​നു മെ​ഷീ​നി​ൽ വി​ക​സി​പ്പി​ച്ചെ​ടു​ത്തി​രി​ക്കു​ന്ന ആപ് വ​ഴി ഡോ​ക്ട​റു​ടെ ഫോ​ണി​ലേ​ക്ക് മെ​സേ​ജ് അ​യ​ക്കും. റി​പ്പോ​ർ​ട്ട് ഡോ​ക്ട​ർ പ​രി​ശോ​ധി​ച്ച​ശേ​ഷം രോ​ഗി​ക്കാ​വ​ശ്യ​മാ​യ മ​രു​ന്ന് നി​ർ​ദേ​ശി​ക്കും. ഈ ​മ​രു​ന്ന് ഈ ​ഉ​പ​ക​ര​ണ​ത്തി​ലെ വെ​ന്‍റിം​ഗ് പോ​യി​ന്‍റി​ലൂ​ടെ രോ​ഗി​ക്ക് ല​ഭി​ക്കും. ഉ​പ​ക​ര​ണം ക​ണ്ടെ​ത്തി​യ രോ​ഗി​യു​ടെ രോ​ഗാ​വ​സ്ഥ​ക​ൾ​ക്ക് കൂ​ടു​ത​ൽ കൃ​ത്യ​ത വ​രു​ത്തു​ന്ന​തി​നാ​ണ് ആ​പ് വ​ഴി ഡോ​ക്ട​റു​ടെ ഫോ​ണി​ലേ​ക്ക് സ​ന്ദേ​ശം ആ​യി പോ​കു​ന്ന​ത്.

വി​ദ്യാ​ർ​ഥി​ക​ളാ​യ അ​ഖി​ൽ, ഷി​മോ​ൺ, ജോ​ൺ, മെ​ഹ​ജി​ബി​ൻ എ​ന്നി​വ​ർ ചേ​ർ​ന്നാ​ണ് ഒ​രു വ​ർ​ഷം നീ​ണ്ടു​നി​ന്ന പ​രി​ശ്ര​മ​ത്തി​ലൂ​ടെ​ ഇ​ത് വി​ക​സി​പ്പി​ച്ചെ​ടു​ത്ത​ത്. അ​ധ്യാ​പ​ക​രാ​യ പ്ര​ഫ. ബി​ജോ​യ് വ​ർ​ഗീ​സ്, പ്ര​ഫ. സി. ​മ​ഹേ​ഷ് തു​ട​ങ്ങി​യ​വ​ർ കു​ട്ടി​ക​ളു​ടെ ഈ ​ക​ണ്ടെ​ത്ത​ലി​ന് നേ​തൃ​ത്വം ന​ൽ​കി.

ടൗ​ണു​ക​ളേ​ക്കാ​ൾ ഉ​പ​രി ഗ്രാ​മപ്ര​ദേ​ശ​ങ്ങ​ളി​ൽ താ​മ​സി​ക്കു​ന്ന സാ​ധാ​ര​ണ​ക്കാ​രാ​യ ആ​ളു​ക​ൾ​ക്ക് പെട്ടെന്ന് ചി​കി​ത്സ ല​ഭി​ക്കു​ന്ന​തി​നും വേ​ഗ​ത്തി​ൽ അ​സു​ഖം ക​ണ്ടെ​ത്തു​ന്ന​തി​നും ഇ​തു​വ​ഴി സാ​ധി​ക്കു​മെ​ന്ന് വി​ദ്യാ​ർ​ഥി​ക​ൾ പ​റ​യു​ന്നു. ഐ​ഐ​ടി മും​ബൈ ഏ​ർ​പ്പെ​ടു​ത്തി​യ മോ​സ്റ്റ് റി​യ​ലി​സ്റ്റി​ക് അ​വാ​ർ​ഡും വി​ദ്യാ​ർ​ഥി​ക​ളു​ടെ ഈ ​ക​ണ്ടു​പി​ടു​ത്ത​ത്തി​ന് ല​ഭി​ച്ചു. ഈ ​ഉ​പ​ക​ര​ണ​ത്തി​ന് പേ​റ്റ​ന്‍റ് ല​ഭി​ക്കു​ന്ന​തി​നാവശ്യമായ ന​ട​പ​ടി​ക​ൾ വി​ദ്യാ​ർ​ഥി​ക​ൾ തു​ട​ങ്ങി​ക്ക​ഴി​ഞ്ഞു.

കോ​ള​ജ് ചെ​യ​ർ​മാ​ൻ പോ​ൾ മു​ണ്ടാ​ട​ൻ, പ്രി​ൻ​സി​പ്പ​ൽ ഡോ. ​ജോ​ർ​ജ് ഐ​സ​ക്, വൈ​സ് പ്രി​ൻ​സി​പ്പ​ൽ ഡോ. ​സി. ഷീ​ല, അ​ക്കഡേ​മി​ക് ഡ​യ​റ​ക്ട​ർ ഡോ. ​കെ.​എ​സ്.​എം. പ​ണി​ക്ക​ർ, ഡീ​ൻ ഡോ. ​സ​ണ്ണി കു​ര്യാ​ക്കോ​സ്, അ​ധ്യാ​പ​ക​ർ തു​ട​ങ്ങി​യ​വ​ർ വി​ദ്യാ​ർ​ഥി​ക​ളെ അ​ഭി​ന​ന്ദി​ച്ചു