തല അറുത്തു മാറ്റിയിട്ടും കോളയുടെ കാൻ ഒരു മത്സ്യം കടിച്ചു മുറിക്കുന്നതിന്‍റെ ദൃശ്യങ്ങൾ അമ്പരപ്പുണർത്തുന്നു. യൂട്യൂബിലാണ് ഏറെ ആകാംക്ഷയുണർത്തുന്ന ദൃശ്യങ്ങൾ പ്രത്യക്ഷപ്പെട്ടത്. വുൾഫ് ഫിഷ് എന്ന ഇനത്തിൽപ്പെട്ട മത്സ്യമാണിത്.
ഇതുമായി ബന്ധപ്പെട്ട് രണ്ട് ദൃശ്യങ്ങളാണ് പുറത്തുവന്നത്. ജീവനോടെ വെള്ളത്തിൽ കിടന്ന മത്സ്യത്തെ പുറത്തെടുത്ത് അതിന്‍റെ വായിലേക്ക് കാൻ വയ്ക്കുമ്പോൾ മത്സ്യം അത് കടിച്ച് പൊട്ടിക്കുന്നതാണ് ആദ്യം ദൃശ്യങ്ങളിലുള്ളത്.
എന്നാൽ ഇതേ മത്സ്യത്തിന്‍റെ തല അറുത്ത് മാറ്റിയതിന് ശേഷം അതിന്‍റെ വായയിലേക്ക് കാൻ വയ്ക്കുമ്പോൾ മത്സ്യം അതും കടിച്ചുമുറിക്കുന്നതാണ് ഏറെ ആശ്ചര്യകരമാകുന്നത്. ആദ്യത്തെ വീഡിയോയിലുള്ള അത്രെയും ശക്തിയായി തന്നെയാണ് തല അറുത്ത് മാറ്റിയിട്ടും മീൻ വീണ്ടും കാൻ കടിച്ചു മുറിച്ചത്.
ജനുവരിയിൽ പങ്കുവച്ച വീഡിയോ ഇപ്പോൾ വൈറലായി മാറുകയാണ്. ഈ വീഡിയോയ്ക്ക് പ്രതികരണവുമായി നിരവധിയാളുകൾ രംഗത്തെത്തിയിട്ടുണ്ട്.
