വെള്ളമില്ലാതെ മത്സ്യത്തിനു ജീവിക്കാൻ കഴിയുമോ? ഇതിനു മറുപടിയായി ഒരു അദ്ഭുതമീനിനെ പരിചയപ്പെടാം. ആഫ്രിക്കൻ ലംഗ് ഫിഷ് എന്നറിയപ്പെടുന്ന ഈ അസാധാരണ മത്സ്യത്തിന് വെള്ളമില്ലാതെ മാസങ്ങളോളം ജീവിക്കാൻ കഴിയും.
ഉണങ്ങി കട്ടപിടിച്ച ചെളിയിൽ ഇവയ്ക്കു ജീവൻ നിലനിർത്താൻ കഴിയും. ആഫ്രിക്കൻ ലംഗ് ഫിഷുകൾക്ക് നാല് വർഷം വരെ വെള്ളത്തിനു പുറത്തു ജീവിക്കാൻ കഴിയും.
വിചിത്രരൂപമാണ് ഈ മത്സ്യത്തിനുള്ളത്. കഴിഞ്ഞദിവസം ഇൻസ്റ്റഗ്രാമിൽ പങ്കുവച്ച ആഫ്രിക്കൻ ലംഗ് ഫിഷിന്‍റെ വീഡിയോ വൈറലായിരുന്നു.
സക്കർമൗത്ത്, കോമൺ പ്ലെക്കോ എന്നീ പേരുകളിലും ഈ മത്സ്യം അറിയപ്പെടുന്നു. വീഡിയോ ഹിറ്റ് ആയതോടെ മത്സ്യത്തെക്കുറിച്ചുള്ള കൂടുതൽ വിവരങ്ങൾ ചർച്ച ചെയ്യാൻ തുടങ്ങിയിട്ടുണ്ട്.
