ന്യൂഡൽഹി: പാക്കിസ്ഥാൻ പിടികൂടിയ മത്സ്യത്തൊഴിലാളികളെ സാഹസികമായി മോചിപ്പിച്ച് ഇന്ത്യൻ കോസ്റ്റ് ഗാർഡ്. ഞായറാഴ്ച ഉച്ചയോടെയായിരുന്നു സംഭവം. ഗുജറാത്തിനു സമീപം ഇന്ത്യൻ മത്സ്യത്തൊഴിലാളികളെ കസ്റ്റഡിയിൽ എടുത്ത പാക് മാരിടൈം ഏജൻസിയുടെ കപ്പലിനെ പിന്തുടർന്ന് കോസ്റ്റ് ഗാർഡ് പിടികൂടുകയായിരുന്നു.
ഇന്ത്യ-പാക് സമുദ്രാതിർത്തിയിലെ നോ ഫിഷിംഗ് സോണിൽനിന്നാണ് പാക് മാരിടൈം ഏജൻസി ഏഴു മത്സ്യത്തൊഴിലാളികളെ കസ്റ്റഡിയിൽ എടുത്തത്.
കോസ്റ്റ് ഗാർഡ് കപ്പലായ ഐസിജിഎസ് അഗ്രിം, പാക്കിസ്ഥാൻ കപ്പലിനെ മണിക്കൂറുകളോളം പിന്തുടർന്നശേഷം തടഞ്ഞുനിർത്തുകയായിരുന്നു. മത്സ്യത്തൊഴിലാളികളുടെ ആരോഗ്യനില തൃപ്തികരമാണെന്ന് കോസ്റ്റ് ഗാർഡ് അറിയിച്ചു. ഇന്ത്യൻ കപ്പൽ പാക് കപ്പലിനെ പിന്തുടരുന്നതിന്‍റെ വീഡിയോയും പങ്കുവച്ചു.
