ന​ദി​ക​ളി​ൽ വി​ഷം ക​ല​ർ​ത്തി മീ​ൻപി​ടി​ത്തം വ്യാ​പ​ക​മാ​കു​ന്നു; നദീജലം മലിനമാകുന്നു; ആശങ്കയിൽ പ്രദേശവാസികൾ

പ​ത്ത​നം​തി​ട്ട: പ​മ്പാ, അ​ച്ച​ൻ കോ​വി​ൽ, മ​ണി​മ​ല, ക​ല്ലാ​ർ തു​ട​ങ്ങി ജി​ല്ല​യി​ലെ ന​ദി​ക​ളി​ലെ വെ​ള്ളം മ​ലി​ന​പ്പെ​ടു​ത്തി വി​ഷം ക​ല​ക്കി മീ​ൻ പി​ടി​ത്തം കൂ​ടി വ​രു​ന്നു.

ജി​ല്ല​യി​ലൂ​ടെ ഒ​ഴു​കു​ന്ന അ​ച്ച​ൻ​കോ​വി​ൽ, ക​ല്ലാ​ർ, പ​മ്പ ന​ദി​ക​ളി​ലാ​ണ് വി​ഷം ക​ല​ർ​ത്തി​യും വൈ​ദ്യു​തി ഉ​പ​യോ​ഗി​ച്ചും വ്യാ​പ​ക​മാ​യി മീ​ൻപി​ടി​ത്തം ന​ട​ക്കു​ന്ന​ത്. വം​ശ​നാ​ശം നേ​രി​ടു​ന്ന ചി​ല​യി​നം ആ​റ്റുമ​ത്സ്യ​ങ്ങ​ൾ ഉ​ൾ​പ്പെ​ടെ വ്യാ​പ​ക​മാ​യി ഇ​ല്ലാ​താ​ക്കു​ന്ന​തി​ന് ഇ​ത് കാ​ര​ണ​മാ​കു​ന്നു​ണ്ട്.

കോ​ന്നി​യി​ൽ അ​ച്ച​ൻ​കോ​വി​ലാ​റ്റി​ലും ത​ണ്ണി​ത്തോ​ട്ടി​ൽ ക​ല്ലാ​റ്റി​ലും ഇ​ത്ത​രം മീ​ൻ​പി​ടി​ത്തം സ​ജീ​വ​മാ​ണ്. പോ​ലീ​സ് ഉ​ൾ​പ്പെ​ടെ​യു​ള്ള അ​ധി​കാ​രി​ക​ളെ അ​റി​യി​ച്ചി​ട്ടും പ​രി​ഹാ​ര​മി​ല്ല. വ​ട​ശേ​രി​ക്ക​ര മ​ണ്ഡ​ക​ത്തി​ൽ ക​ട​വി​ലും പ​രി​സ​ര​ങ്ങ​ളി​ലും വ​ലി​യ തോ​തി​ലാ​ണ് മീ​ൻപി​ടി​ത്തം.

ക​ട​വി​ന്‍റെ താ​ഴെ വ​ല കെ​ട്ടി​യി​ട്ട് മു​ക​ളി​ൽ വി​ഷം ക​ല​ക്കു​ക​യാ​ണ്. വെ​പ്രാ​ള​ത്തി​ൽ പാ​യു​ന്ന മീ​നു​ക​ൾ വ​ല​യി​ൽ വ​ന്നു ക​യ​റും. മി​ക്ക ന​ദി​ക​ളി​ലും ചെ​റി​യ മീ​നു​ക​ൾ ച​ത്തു പൊ​ങ്ങു​ക​യാ​ണ്. ന​ദീ​തീ​ര​ങ്ങ​ളി​ൽ താ​മ​സി​ക്കു​ന്ന​വ​ർ ഇ​തു​മൂ​ലം ബു​ദ്ധി​മു​ട്ടു​ന്നു. വെ​ള്ളം ഉ​പ​യോ​ഗി​ക്കാ​ൻ പ​റ്റു​ന്നി​ല്ല.

പോ​ലീ​സി​ൽ പ​ല​ത​വ​ണ അ​റി​യി​ച്ചെ​ങ്കി​ലും അ​ന്വേ​ഷ​ണം ന​ട​ത്തു​ന്നി​ല്ലെ​ന്ന് നാ​ട്ടു​കാ​ർ പ​റ​യു​ന്നു. വ​ല​യി​ട്ട് മീ​ൻ പി​ടി​ക്കു​ക​യാ​ണെ​ന്നാ​ണ് പ​രാ​തി​ക്കാ​രോ​ട് പോ​ലീ​സ് പ​റ​യു​ന്ന​ത്. പ​ക​ൽ സ​മ​യ​വും രാ​ത്രി​കാ​ല​ത്തും ഇ​ത്ത​ര​ത്തി​ലു​ള്ള മീ​ൻപി​ടി​ത്തം സ​ജീ​വ​മാ​ണ്.

ചി​ല കേ​ന്ദ്ര​ങ്ങ​ളി​ൽ സ്ഫോ​ട​ക വ​സ്തു​ക്ക​ളും ഉ​പ​യോ​ഗി​ക്കു​ന്നു​ണ്ട്. വ​ന​മേ​ഖ​ല​യോ​ട് ചേ​ർ​ന്ന ഭാ​ഗ​ങ്ങ​ളി​ൽ വ​രെ മീ​ൻ പി​ടി​ത്ത​ക്കാ​ർ ധാ​രാ​ളം എ​ത്തു​ന്നു​ണ്ട്. റ​വ​ന്യു, വ​നം പോ​ലീ​സ് വ​കു​പ്പു​ക​ൾ ഇ​ട​പെ​ട്ടി​ല്ലെ​ങ്കി​ൽ ഗു​രു​ത​ര​മാ​യ പാ​ര​സ്ഥി​തി​ക പ്ര​ശ്ന​ങ്ങ​ൾ​ക്ക് ഇ​ത്ത​രം മീ​ൻപി​ടി​ത്തം കാ​ര​ണ​മാ​കും.

പ​ന്പ​യി​ൽ കി​ഴ​ക്ക​ൻ മേ​ഖ​ല​യി​ലും മീ​ൻ​പി​ടി​ത്തം വ്യാ​പ​ക​മാ​യി​ട്ടു​ണ്ട്. മ​ണി​മ​ല​യാ​റ്റി​ൽ മ​ല്ല​പ്പ​ള്ളി ഭാ​ഗ​ത്തും വി​ഷം ക​ല​ർ​ത്തി മീ​ൻപി​ടി​ക്കു​ന്ന​താ​യ പ​രാ​തി ഉ​ണ്ടാ​യി​ട്ടു​ണ്ട്. ത​ദ്ദേ​ശ​സ്ഥാ​പ​ന​ങ്ങ​ൾ​ക്ക് ഈ ​വി​ഷ​യ​ത്തി​ൽ ക​ർ​ശ​ന ന​ട​പ​ടി​യെ​ടു​ക്കാ​മെ​ങ്കി​ലും ഇ​ട​പെ​ട​ൽ ന​ട​ത്താ​ൻ ത​യാ​റാ​കു​ന്നി​ല്ലെ​ന്ന ആ​ക്ഷേ​പ​വു​മു​ണ്ട്.