ഛർ​ദി​യെ തു​ട​ർ​ന്ന് ആ​ശു​പ​ത്രി​യി​ലെ​ത്തി​ച്ച അ​ഞ്ചു​വ​യ​സു​കാ​രി മ​രി​ച്ചു; പു​റ​ത്തു​നി​ന്ന് കു​ട്ടി ഐ​സ്ക്രീം ക​ഴി​ച്ചി​രു​ന്നെ​ന്ന് വീ​ട്ടു​കാ​ർ

ഇ​ടു​ക്കി: ഛർ​ദി​യെ തു​ട​ർ​ന്ന് ആ​ശു​പ​ത്രി​യി​ലെ​ത്തി​ച്ച അ​ഞ്ചു​വ​യ​സു​കാ​രി മ​രി​ച്ചു. വ​ണ്ടി​പ്പെ​രി​യാ​ർ സ്വ​ദേ​ശി ഷി​ജോ​യു​ടെ മ​ക​ൾ ആ​ര്യ​യാ​ണ് മ​രി​ച്ച​ത്. ഇ​ന്ന​ലെ വൈ​കി​ട്ട് കു​ട്ടി​യെ വ​ള്ള​ക്ക​ട​വി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചി​രു​ന്നു. ഇ​വി​ടെ നി​ന്ന് പ്രാ​ഥ​മി​ക ചി​കി​ത്സ ന​ൽ​കി വൈകുന്നേരം കു​ട്ടി​യെ വീ​ട്ടി​ലേ​ക്ക് പ​റ​ഞ്ഞു​വി​ട്ടു.

എ​ന്നാ​ൽ വീ​ട്ടി​ലെ​ത്തി​യ ശേ​ഷം കു​ട്ടി ഭ​ക്ഷ​ണം ക​ഴി​ച്ച് കി​ട​ന്നു​റ​ങ്ങി​യെ​ങ്കി​ലും പി​ന്നെ​യും ഛർ​ദി​ക്കു​ക​യാ​യി​രു​ന്നു. തു​ട​ർ​ന്ന് കു​ട്ടി​യെ അ​തേ ആ​ശു​പ​ത്രി​യി​ലേ​ക്ക് ത​ന്നെ വീ​ണ്ടും ചി​കി​ത്സ​യ്ക്കാ​യി എ​ത്തി​ച്ചു.

ഇവിടെ നിന്ന് പ്രാ​ഥ​മി​ക ചി​കി​ത്സ​ നൽകിയശേ​ഷം വി​ദ​ഗ്ധ ചി​കി​ത്സ​യ്ക്കാ​യി പീ​രു​മേ​ട് താ​ലൂ​ക്ക് ആ​ശു​പ​ത്രി​യി​ലേ​ക്ക് കൊ​ണ്ടു​പോ​കു​ന്ന വ​ഴി​യാ​ണ് കു​ട്ടി മ​രി​ച്ച​ത്. മു​ത്ത​ച്ഛ​നോ​ടൊ​പ്പം ഇ​ന്ന​ലെ പ​ക​ൽ സ​മ​യ​ത്ത് കു​ട്ടി ഗ​വി​യി​ലേ​ക്ക് പോ​യി​രു​ന്നു. അ​വി​ടെ നി​ന്ന് ഐ​സ്ക്രീം വാ​ങ്ങി​ക്ക​ഴി​ച്ച​താ​യി വീ​ട്ടു​കാ​ർ പ​റ​യു​ന്നു. തി​രി​കെ വീ​ട്ടി​ലെ​ത്തി​യ​തി​ന് ശേ​ഷ​മാ​ണ് കുട്ടി ഛർ​ദി​ക്കു​ന്ന​ത്.

അ​തേ​സ​മ​യം, മ​ര​ണ​കാ​ര​ണം പോ​സ്റ്റു​മോ​ർ​ട്ട​ത്തി​നു ശേ​ഷ​മേ വ്യ​ക്ത​മാ​കൂ​വെ​ന്ന് ഡോ​ക്ട​ർ​മാ​ർ വ്യ​ക്ത​മാ​ക്കി. പീ​രു​മേ​ട് താ​ലൂ​ക്ക് ആ​ശു​പ​ത്രി​യി​ൽ കു​ട്ടി​യു​ടെ മൃ​ത​ദേ​ഹം സൂ​ക്ഷി​ച്ചി​രി​ക്കു​ക​യാ​ണ്. പോ​സ്റ്റ്മോ​ർ​ട്ടത്തിന് ശേ​ഷം മൃതദേഹം കു​ടും​ബ​ത്തി​ന് വി​ട്ടു​ന​ൽ​കും.