ഫ്ലാ​റ്റി​ല്‍​ നി​ന്നു വീ​ണ് സ്ത്രീ​ക്കു പ​രി​ക്കേ​റ്റ സം​ഭ​വം;ഫ്ലാറ്റ് ഉ​ട​മ​യെ ചോ​ദ്യം​ചെ​യ്യാ​ൻ പോ​ലീ​സ്

കൊ​ച്ചി: ഫ്ലാ​റ്റി​ന്‍റെ ആ​റാം നി​ല​യി​ല്‍​നി​ന്നും വീ​ണ് വീ​ട്ടു​ജോ​ലി​ക്കാ​രി​ക്കു ഗു​രു​ത​ര പ​രി​ക്കേ​റ്റ സം​ഭ​വ​ത്തി​ല്‍ ഫ്ലാ​റ്റ് ഉ​ട​മ​യെ ചോ​ദ്യം ചെ​യ്യാ​നൊ​രു​ങ്ങി പോ​ലീ​സ്.

സേ​ലം സ്വ​ദേ​ശി​നി കു​മാ​രി(55)​യ്ക്കു പ​രി​ക്കേ​റ്റ സം​ഭ​വ​ത്തി​ല്‍ ഫ്ലാ​റ്റ് ഉ​ട​മ ഇം​തി​യാ​സി​നെ​യാ​ണു എ​റ​ണാ​കു​ളം സെ​ന്‍​ട്ര​ല്‍ പോ​ലീ​സ് ചോ​ദ്യം ചെ​യ്യു​ക. ഇ​യാ​ളെ ഉ​ട​ന്‍​ത​ന്നെ ചോ​ദ്യം ചെ​യ്യു​മെ​ന്ന് അ​ധി​കൃ​ത​ര്‍ വ്യ​ക്ത​മാ​ക്കി.

നേ​ര​ത്തേ ഇ​യാ​ളു​ടെ​യും ഫ്ലാ​റ്റി​ലെ മ​റ്റു താ​മ​സ​ക്കാ​രു​ടെ​യും മൊ​ഴി പോ​ലീ​സ് രേ​ഖ​പ്പെ​ടു​ത്തി​യി​രു​ന്നു. സം​ഭ​വ​ത്തി​ല്‍ കേ​സ് ര​ജി​സ്റ്റ​ര്‍ ചെ​യ്ത പ​ശ്ചാ​ത്ത​ല​ത്തി​ലാ​ണു വീ​ണ്ടും ചോ​ദ്യം ചെ​യ്യു​ക.

കു​മാ​രി​യു​ടെ ഭ​ര്‍​ത്താ​വ് ശ്രീ​നി​വാ​സ​ന്‍റെ മൊ​ഴി​യു​ടെ അ​ടി​സ്ഥാ​ന​ത്തി​ലാ​ണു നി​ല​വി​ല്‍ പോ​ലീ​സ് കേ​സ് ര​ജി​സ്റ്റ​ര്‍ ചെ​യ്തി​ട്ടു​ള്ള​ത്. ഫ്ലാറ്റ് ഉ​ട​മ കു​മാ​രി​യെ വീ​ട്ടി​ല്‍ ത​ട​ഞ്ഞു​വ​ച്ചെ​ന്നാ​ണ് ഇ​യാ​ൾ മൊ​ഴി​ന​ൽ​കി​യി​ട്ടു​ള്ള​ത്. ഈ ​സാ​ഹ​ച​ര്യ​ത്തി​ലാ​ണു പോ​ലീ​സ് കേ​സെ​ടു​ത്ത​ത്.

സം​ഭ​വം ന​ട​ന്ന് അ​ഞ്ചാം ദി​വ​സ​മാ​ണു പോ​ലീ​സ് കേ​സ് ര​ജി​സ്റ്റ​ര്‍ ചെ​യ്ത​ത്. ആ​ദ്യ ദി​വ​സ​ങ്ങ​ളി​ല്‍ കേ​സെ​ടു​ക്കാ​ത്ത​തി​ല്‍ വി​വി​ധ കോ​ണു​ക​ളി​ല്‍​നി​ന്ന് ആ​ക്ഷേ​പ​ങ്ങ​ളും ഉ​യ​ര്‍​ന്നി​രു​ന്നു.

മ​റൈ​ന്‍​ഡ്രൈ​വി​ലെ ലി​ങ്ക് ഹൊ​റൈ​സ​ണ്‍ ഫ്ലാ​റ്റി​ലെ ആ​റാം നി​ല​യി​ല്‍​നി​ന്നും ക​ഴി​ഞ്ഞ ശ​നി​യാ​ഴ്ച രാ​വി​ലെ​യാ​ണു സ്ത്രീ ​താ​ഴേ​ക്ക് വീ​ണ​ത്. പ​ത്ത​ടി​യി​ലേ​റെ ഉ​യ​ര​മു​ള്ള കാ​ര്‍​പോ​ര്‍​ച്ചി​ന്‍റെ കോ​ണ്‍​ക്രീ​റ്റ് മേ​ല്‍​ക്കൂ​ര​യി​ലാ​യി​രു​ന്നു ഇ​വ​ര്‍ വീ​ണു​കി​ട​ന്നി​രു​ന്ന​ത്.

ഗ​ുരു​ത​ര പ​രി​ക്കേ​റ്റ കു​മാ​രി സ്വ​കാ​ര്യ ആ​ശു​പ​ത്രി​യി​ൽ വെന്‍റി​ലേ​റ്റ​റി​ല്‍ ക​ഴി​ഞ്ഞു​വ​രി​ക​യാ​ണ്. ഇ​വ​രു​ടെ മൊ​ഴി രേ​ഖ​പ്പെ​ടു​ത്തേ​ണ്ട​തു കേ​സി​ല്‍ നി​ര്‍​ണാ​യ​ക​മാ​ണ്.

അ​തേ​സ​മ​യം ഫ്ലാ​റ്റ് ഉ​ട​മ യ്ക്കെ​തി​രേ അ​യ​ൽ​വാ​സി മാ​ധ്യ​മ​ങ്ങ​ളോ​ടു പ്ര​തി​ക​രി​ച്ചു. അ​പ​ക​ടം ഉ​ണ്ടാ​യ ഉ​ട​ൻ ഫ്ലാ​റ്റു​ട​മ പു​റ​ത്തേ​ക്കു പോ​കു​ന്ന​തു ക​ണ്ടെ​ന്നാ​ണ് അ​യ​ൽ​വാ​സി പ​റ​ഞ്ഞ​ത്. പോ​ലീ​സ് ത​ന്‍റെ മൊ​ഴി​യെ​ടു​ത്തി​ല്ലെ​ന്നും ഇ​ദ്ദേ​ഹം ആ​രോ​പി​ച്ചു.