ഹൈ​ക്കോ​ട​തി അ​നു​മ​തി ന​ൽ​കി​യ​ത് ഒ​രു കെ​ട്ടി​ടം പ​ണി​യാ​ൻ; റി​സോ​ർ​ട്ട് ലോ​ബി നി​ർ​മി​ക്കു​ന്ന​ത് കെ​ട്ടി​ട സ​മു​ച്ച​യം! അ​ന​ധി​കൃ​ത നി​ർ​മാ​ണം കണ്ടിട്ടും കാണാതെ അധികൃതർ

കാ​ട്ടി​ക്കു​ളം: ഒ​രു കെ​ട്ടി​ടം പ​ണി​യാ​നു​ള്ള ഹൈ​ക്കോ​ട​തി അ​നു​മ​തി​ക്കു മ​റ​വി​ൽ റി​സോ​ർ​ട്ട് ലോ​ബി നി​ർ​മി​ക്കു​ന്ന​ത്  കെ​ട്ടി​ട സ​മു​ച്ച​യം.  തി​രു​നെ​ല്ലി പ​ഞ്ചാ​യ​ത്തി​ലെ പ​രി​സ്ഥി​തി​ലോ​ല പ്ര​ദേ​ശ​മാ​യ  തൃ​ശി​ലേ​രി മു​ത്തു​മാ​രി ന​രി​നി​ര​ങ്ങി​മ​ല​യി​ലാ​ണ് ന​ഗ്ന​മാ​യ നി​യ​മ​ലം​ഘ​നം. അ​ന​ധി​കൃ​ത നി​ർ​മാ​ണ​ങ്ങ​ൾ  ശ്ര​ദ്ധ​യി​ൽ​പ്പെ​ട്ടി​ട്ടും അ​ധി​കൃ​ത​ർ ക​ണ്ണ​ട​യ്ക്കു​ക​യാ​ണ്.

ന​രി​നി​ര​ങ്ങി​മ​ല​യി​ൽ ഒ​രു കെ​ട്ടി​ടം നി​ർ​മി​ക്കാ​ൻ തൃ​ശൂ​ർ കേ​ച്ചേ​രി പ​ണ​യം​പ​റ​ന്പി​ൽ അ​നി​ൽ​കു​മാ​റി​നു(​നാ​ലു​കെ​ട്ട് ഹോ​ട്ട​ൽ ആ​ൻ​ഡ് റി​സോ​ർ​ട്ട്, മു​ത്തു​മാ​രി)  2014 ജ​നു​വ​രി 24ന് ​തി​രു​നെ​ല്ലി പ​ഞ്ചാ​യ​ത്ത് അ​നു​മ​തി ന​ൽ​കി​യി​രു​ന്നു. എ​ന്നാ​ൽ നി​ർ​മാ​ണം മ​ല​മു​ക​ളി​ലെ പാ​റ​ക​ൾ ഇ​ള​ക്കി​മാ​റ്റി​യും മ​ല​യി​ടി​ച്ചു​മാ​ണെ​ന്നു ക​ണ്ട് പ​ഞ്ചാ​യ​ത്ത് ത​ട​ഞ്ഞു.

ഇ​തി​നെ​തി​രെ അ​നി​ൽ​കു​മാ​ർ ന​ൽ​കി​യ ഹ​ർ​ജി​യി​ൽ ഒ​രു കെ​ട്ടി​ടം നി​ർ​മി​ക്കു​ന്ന​തി​ന് ഹൈക്കോ​ട​തി അ​നു​മ​തി ന​ൽ​കി. ഇ​ത് മ​റ​യാ​ക്കി​യാ​ണ് കൂ​ടു​ത​ൽ കെ​ട്ടി​ട​ങ്ങ​ൾ പ​ണി​ത​ത്. നി​യ​മ​ങ്ങ​ൾ കാ​റ്റി​ൽ പ​റ​ത്തി​യു​ള്ള  നി​ർ​മാ​ണ​ങ്ങ​ൾ​ക്കു  ത​ട​യി​ടാ​ൻ ഉ​ത്ത​ര​വാ​ദ​പ്പെ​ട്ട​വ​ർ  ത​യാ​റാ​യി​ല്ല.

നി​യ​മ​ലം​ഘ​ന​ത്തി​നെ​തി​രെ പ്ര​ദേ​ശ​വാ​സി​ക​ളി​ൽ ചി​ല​ർ ശ​ബ്ദ​മു​യ​ർ​ത്തി​യ സാ​ഹ​ച​ര്യ​ത്തി​ൽ ര​ണ്ടാ​ഴ്ച മു​ന്പ് അ​നി​ൽ​കു​മാ​റി​നു പ​ഞ്ചാ​യ​ത്ത് സെ​ക്ര​ട്ട​റി സ്റ്റോ​പ്പ് മെ​മ്മോ ന​ൽ​കി​യെ​ങ്കി​ലും ഫ​ലം ഉ​ണ്ടാ​യി​ല്ല.  മെ​മ്മോ അ​വ​ഗ​ണി​ച്ച അ​നി​ൽ​കു​മാ​ർ വേ​റെ​യും നി​ർ​മാ​ണം ന​ട​ത്തു​ക​യാ​ണു​ണ്ടാ​യ​ത്.

ഇ​ക്കാ​ര്യ​ത്തി​ലും റി​സോ​ർ​ട്ടി​ലേ​ക്ക് റോ​ഡ് നി​ർ​മി​ച്ച​പ്പോ​ൾ മ​ര​ങ്ങ​ൾ വെ​ട്ടി മ​ണ്ണി​ൽ പൂ​ഴ്ത്തി​യെ​ന്ന ആ​രോ​പ​ണ​ത്തി​ലും സ​മ​ഗ്രാ​ന്വേ​ഷ​ണം ആ​വ​ശ്യ​പ്പെ​ട്ട് പ്ര​ദേ​ശ​വാ​സി​ക​ൾ റ​വ​ന്യൂ മ​ന്ത്രി ഇ. ച​ന്ദ്ര​ശേ​ഖ​ര​നും ഉ​ന്ന​ത ഉ​ദ്യോ​ഗ​സ്ഥ​ർ​ക്കും പ​രാ​തി അ​യ​ച്ചി​ട്ടു​ണ്ട്.
.