കൂടുതൽ മദ്യം ആവശ്യപ്പെട്ടപ്പോൾ നൽകുവാൻ സാധിക്കില്ലെന്ന് പറഞ്ഞ വിമാനത്തിലെ കാബിൻ ക്രൂ അംഗത്തിനോട് വിദേശ വനിത മോശമായി പെരുമാറുന്നതിന്‍റെ വീഡിയോ ദൃശ്യങ്ങൾ പുറത്ത്. മുംബൈയിൽ നിന്നും ലണ്ടനിലേക്കു പുറപ്പെട്ട എയർഇന്ത്യ വിമാനത്തിലാണ് സംഭവം നടന്നത്.
ഇവർ ജീവനക്കാർക്കു നേരെ കയർത്ത് സംസാരിക്കുന്നതും അവർക്കു നേരെ തുപ്പുന്നതും വീഡിയോയിൽ വ്യക്തമാണ്. എയർ ഇന്ത്യ ഇവർക്കെതിരെ പരാതി രജിസ്ട്രർ ചെയ്തിരുന്നു. തുടർന്ന് ലണ്ടനിലെ ഹീത്രോ വിമാനത്താവളത്തിൽ വിമാനം എത്തിയപ്പോൾ പോലീസ് ഇവരെ അറസ്റ്റ് ചെയ്യുകയും ചെയ്തു. കാബിൻ ക്രൂ അംഗമാണ് ഇവരുടെ പരാക്രമം പകർത്തിയത്.
