വിമാനയാത്രയ്ക്കായി നഗ്നനായി എത്തിയ യുവാവിനെ പോലീസ് അറസ്റ്റ് ചെയ്തു. മോസ്കോയിലെ ദെമജിയദോവ എയർപോർട്ടിലാണ് സംഭവം. യാത്രികർ എല്ലാവരും ക്യൂ നിൽക്കുമ്പോൾ ഒരു വസ്ത്രവും ധരിക്കാതെ ഒരാൾ പെട്ടന്ന് ഇവർക്ക് പിന്നിൽ വന്ന് നിൽക്കുകയായിരുന്നു.
യാതൊരു വിധത്തിലുമുള്ള ഭാവഭേദവും ഇദ്ദേഹത്തിന് ഇല്ലായിരുന്നു. ഇദ്ദേഹത്തിന് മുമ്പിൽ നിൽക്കുന്നവർ അധികം ശ്രദ്ധനൽകിയിരുന്നില്ല. എന്നാൽ ഇദ്ദേഹത്തിന് പിന്നിലും സമീപത്തും നിൽക്കുന്നവർ ഇത് കണ്ട് ചിരിക്കുകയും മറ്റും ചെയ്യുന്നുണ്ടായിരുന്നു.
അൽപ്പം നേരത്തിനു ശേഷം പോലീസെത്തി ഇദ്ദേഹത്തെ അറസ്റ്റ് ചെയ്തു കൊണ്ടു പോകുകയും ചെയ്തു. പിന്നീട് ആശുപത്രിയിൽ പ്രവേശിപ്പിച്ചു. എയർപോർട്ടിലുണ്ടായിരുന്നവരിൽ ഒരാൾ പകർത്തിയ ദൃശ്യങ്ങൾ ഇപ്പോൾ സോഷ്യൽമീഡിയയിൽ വൈറലായി മാറുകയാണ്.
