പറന്നുകൊണ്ടിരുന്ന വിമാനം എൻജിൻ തകരാറിലായതിനെ തുടര്‍ന്ന് തിരക്കേറിയ റോഡിൽ ഇറക്കി. വാഷിംഗ്ടണിലെ പാർക്ക്‌ലാൻഡ് നഗരത്തിലാണ് സംഭവം. സിംഗിൾ പ്രൊപ്പല്ലർ കെആർ2 വിമാനമാണ് വാഹനങ്ങളുടെ മുകളിലൂടെ വന്ന് റോഡിൽ ഇറങ്ങിയത്. ഇതിന്‍റെ വീഡിയോ ഇപ്പോൾ വൈറലായിരിക്കുകയാണ്.
വ്യാഴാഴ്ചയാണ് സംഭവമുണ്ടായത്. വിമാനം വരുന്നതു കണ്ട് റോഡിലുണ്ടായിരുന്നവർ വാഹനങ്ങൾ വെട്ടിച്ചുമാറ്റുകയായിരുന്നു. അടിയന്തര ലാൻഡിംഗിൽ റോഡിലെ ചുവപ്പ് സിഗ്നൽ ലൈറ്റിനു മുന്പാകെ വന്നാണ് വിമാനം നിന്നത്. പിന്നീട് പോലീസെത്തിയാണ് പൈലറ്റിനെ വിമാനത്തിൽനിന്ന് ഇറക്കിയത്.
