കോട്ടയം: കോട്ടയം റൗണ്ട് ടേബിളിന്‍റെ ആഭിമുഖ്യത്തല്‍ നടക്കുന്ന ഫുഡ് ഫെസ്റ്റ് 15 വരെ നീട്ടി.ഓണ്‍ലൈനില്‍ നടക്കുന്ന ഫുഡ്‌ഫെസ്റ്റിവലില്‍ സ്വിഗിയാണ് ഡെലിവറി പാര്‍ട്ട്ണര്‍.
30 വര്‍ഷമായി കോട്ടയം നഗരത്തില്‍ നടന്ന് വരുന്ന ഭക്ഷ്യമേള ഇതാദ്യമായാണ് ഓണ്‍ലൈനായി നടക്കുന്നത്. ഭക്ഷ്യപ്രേമികള്‍ക്ക് സ്വിഗി വഴി ഭക്ഷ്യമേളയില്‍ പങ്കെടുക്കുന്ന ഭക്ഷണശാലകളില്‍ നിന്നും ഓര്‍ഡര്‍ ചെയ്യാം.
കോട്ടയം റൗണ്ട് ടേബിള്‍ സംഘടിപ്പിക്കുന്ന ഭക്ഷ്യമേള ഒരു ഫണ്ട് റേസിംഗുകൂടിയാണ്. മേളയില്‍ നിന്നുള്ള വരുമാനം സ്പര്‍ശ് റൗണ്ട് ടേബിള്‍ സ്‌കൂളിലെ ഭിന്നശേഷിക്കാരായ വിദ്യാര്‍ഥികളുടെ ക്ഷേമത്തിനാണ് ചെലവഴിക്കുന്നത്.
ആദാമിന്‍റെ ചായക്കട, താലി റസ്റ്ററന്‍റ്, കരിമ്പുംകാല ഡെസേര്‍ട്ട് സ്റ്റേഷന്‍ തുടങ്ങി 35 റസ്റ്ററന്‍റുകള്‍ ഭക്ഷ്യമേളയില്‍ പങ്കെടുക്കുന്നുണ്ട്. ജനങ്ങള്‍ക്ക് വീട്ടില്‍ നിന്നു പുറത്തിറങ്ങാതെ തന്നെ വിഭവങ്ങള്‍ ആസ്വദിക്കാം.
സ്വിഗി വഴി വിഭവങ്ങള്‍ വീട്ടുപടിക്കലെത്തും. കഴിഞ്ഞ 30 വര്‍ഷമായി തുടര്‍ച്ചയായി നടന്നു വരുന്ന ഭക്ഷ്യമേള കോവിഡിനെത്തുടര്‍ന്നാണ് ഓണ്‍ലൈനായി നടത്തുന്നതെന്ന് കോട്ടയം ടൗണ്‍ റൗണ്ട് ടേബിള്‍ ചെയര്‍മാന്‍ വിനീത് ജോസഫ് പറഞ്ഞു.
ആദ്യ ആഴ്ച്ചയില്‍ ഓര്‍ഡറുകള്‍ 200 ശതമാനം വര്‍ധിച്ചതിനെത്തുടര്‍ന്നാണ് 15 വരെ ഭക്ഷ്യമേള നീട്ടാന്‍ തീരുമാനിച്ചതെന്ന് സ്വിഗി സ്‌പ്ലൈ വൈസ് പ്രസിഡന്‍റ് ഫപോള്‍ വര്‍ഗീസ് പറഞ്ഞു.
