ഫിഫ ലോകകപ്പ് റിപ്പോര്‍ട്ട് ചെയ്യുന്നതിനിടെ മാധ്യമപ്രവര്‍ത്തകയ്ക്ക് ആരാധകന്റെ വക ചുംബനം. ജര്‍മന്‍ചാനലിലെ മാധ്യമപ്രവര്‍ത്തകയെയാണ് ഒരു ഫുട്‌ബോള്‍ ആരാധകന്‍ കടന്നുപിടിച്ച ശേഷം ചുംബിച്ചത്. ഈ ദൃശ്യങ്ങള്‍ സമൂഹമാധ്യമങ്ങളില്‍ വൈറലാകുകയാണ്. ഒപ്പം അനുവാദമില്ലാതെ പെണ്‍കുട്ടിയെ ചുംബിച്ച ആള്‍ക്കെതിരെ പ്രതിഷേധവും ഉയരുന്നുണ്ട്.
ജൂലിയത് ഗോന്‍സാലസ് തെരാന്‍ എന്ന മാധ്യമപ്രവര്‍ത്തകയ്ക്കാണ് ഈ ദുരനുഭവം ഉണ്ടായത്. മാധ്യപ്രവര്‍ത്തക ഈ ദൃശ്യം ഇന്‍സ്റ്റാഗ്രാമില്‍ പോസ്റ്റ് ചെയ്തു. സമ്മതമില്ലാതെ സ്വന്തം ശരീരത്തില്‍ സ്പര്‍ശിച്ചതിനെതിരെയായിരുന്നു അവരുടെ പോസ്റ്റ്. പലപ്പോഴും മാധ്യമപ്രവര്‍ത്തകരായ സ്ത്രീകള്‍ ഇത്തരം ആക്രമണത്തിന് ഇരയാകുന്ന അവസ്ഥയുണ്ടെന്നും അവര്‍ പറയുന്നു.
