ഡെഹ്‌റാഡൂണ്‍: ജോഷിമഠിലെ ദുരന്തബാധിത മേഖല സന്ദര്‍ശിക്കുന്നതിനിടെയുണ്ടായ വാഹനാപകടത്തില്‍ മലയാളി വൈദികന്‍ മരിച്ചു.
കോഴിക്കോട് ചക്കിട്ടപാറ സ്വദേശി ഫാ. മെല്‍വിന്‍.പി.എബ്രഹാം ആണ് മരിച്ചത്. അപകടത്തില്‍ മറ്റ് രണ്ട് വൈദികര്‍ക്ക് പരിക്കേറ്റെന്നാണ് വിവരം.
വ്യാഴാഴ്ച വൈകിട്ടാണ് അപകടമുണ്ടായത്. ദുരിത മേഖലയില്‍ ഭക്ഷണം എത്തിച്ച് മടങ്ങുംവഴി ഇവര്‍ സഞ്ചരിച്ച വാഹനം കൊക്കയിലേക്ക് മറിയുകയായിരുന്നു.ഇന്ന് പുലര്‍ച്ചെയോടെ സൈനികരാണ് മൃതദേഹം പുറത്തേക്കെടുത്തത്.
മൂടല്‍മഞ്ഞ് മൂലം കണ്ണിന്‍റെ കാഴ്ച മറഞ്ഞതാണ് അപകടകാരണമെന്നാണ് വിവരം.
ബിജിനോര്‍ രൂപതയുടെ പ്രതിനിധിയായാണ് ഫാ എബ്രഹാം ഇവിടെ ശുശ്രൂഷ ചെയ്ത് വന്നിരുന്നത്. സംസ്കാര ചടങ്ങുകള്‍ ഞായറാഴ്ച നടക്കും.
