കോട്ടയം: ലോകം ആദരിച്ച മികച്ച ഭരണാധികാരി ആയിരുന്ന മുന്‍മുഖ്യമന്ത്രി ഉമ്മന്‍ ചാണ്ടിയെ ക്രൂരമായി വേട്ടയാടിയവര്‍ക്ക് പുതുപ്പള്ളി തെരഞ്ഞെടുപ്പില്‍ നല്‍കിയ തിരിച്ചടി ഇത്തവണയും ആവര്‍ത്തിക്കുമെന്ന് യുഡിഎഫ് സ്ഥാനാര്‍ഥി ഫ്രാന്‍സിസ് ജോര്‍ജ്.
ജനാധിപത്യത്തിന്‍റെ എല്ലാ മൂല്യങ്ങളും കാത്തുസൂക്ഷിച്ച നേതാവായിരുന്ന ഉമ്മന്‍ ചാണ്ടി എന്നും യുഡിഎഫിന്‍റെ കരുത്തായിരുന്നെന്നും ഫ്രാന്‍സീസ് ജോര്‍ജ് പറഞ്ഞു.
മുന്‍ മുഖ്യമന്ത്രി ഉമ്മന്‍ ചാണ്ടിയുടെ അനുഗ്രഹം തേടി പുതുപ്പള്ളി പള്ളിയിലെ കബറിടത്തില്‍ പ്രാര്‍ഥിക്കാനെത്തിയതായിരുന്നു ഫ്രാന്‍സിസ് ജോര്‍ജ്.
കോട്ടയത്ത് യുഡിഎഫ് വിജയം ഉറപ്പാണെന്ന് ചാണ്ടി ഉമ്മന്‍ എംഎല്‍എ പറഞ്ഞു. മോന്‍സ് ജോസഫ് എംഎല്‍എ, സജി മഞ്ഞക്കടമ്പില്‍, ഫില്‍സണ്‍ മാത്യൂസ്, ജോഷി ഫിലിപ്പ്, കുഞ്ഞ് ഇല്ലംപള്ളി, സലിം പി. മാത്യു, കെ.എഫ്. വര്‍ഗീസ്, എ.കെ. ജോസഫ്, ചിന്‍റൂ കുര്യന്‍ ജോയി, സിബി ജോണ്‍ കൊല്ലാട്, ജയ്‌സണ്‍ ജോസഫ്, ആന്‍റണി തുപ്പലഞ്ഞി, സാബു ഉഴുന്നാലില്‍, ജിനു കെ. പോള്‍ തുടങ്ങിവരും ഫ്രാന്‍സിസ് ജോര്‍ജിനൊപ്പം ഉണ്ടായിരുന്നു.
പി.ജെ. ജോസഫും ഫ്രാന്‍സിസ് ജോര്‍ജും സുകുമാരന്‍ നായരെ സന്ദര്‍ശിച്ചു
ചങ്ങനാശേരി: കേരള കോണ്‍ഗ്രസ് ചെയര്‍മാന്‍ പി.ജെ. ജോസഫ് എംഎല്‍എയും കോട്ടയം പാര്‍ലമെന്‍റ് മണ്ഡലത്തിലെ യുഡിഎഫ് സ്ഥാനാര്‍ഥി ഫ്രാന്‍സിസ് ജോര്‍ജും എന്‍എസ്എസ് ആസ്ഥാനത്തെത്തി ജനറല്‍ സെക്രട്ടറി ജി. സുകുമാരന്‍നായരുമായി കൂടിക്കാഴ്ച നടത്തി.
പാര്‍ട്ടി ജില്ലാ പ്രസിഡന്‍റ് സജി മഞ്ഞക്കടമ്പില്‍, ഉന്നതാധികാര സമിതി അംഗങ്ങളായ വി.ജെ. ലാലി, ജെയ്‌സണ്‍ ജോസഫ്, സംസ്ഥാന സെക്രട്ടറി ആര്‍. ശശിധരന്‍ നായര്‍ എന്നിവരും ഒപ്പമുണ്ടായിരുന്നു.
