തമിഴ് നടി ദിവ്യാ ഭാരതിയ്‌ക്കെതിരേ പരാതിയുമായി യൂട്യൂബര്‍. പണംതട്ടിപ്പു കേസിലാണ് നടിക്കെതിരേ യൂട്യൂബറിന്റെ പരാതി.
വിവാഹിതയാണെന്ന കാര്യം മറച്ചുവച്ച് പ്രണയം നടിച്ച് നടി ദിവ്യാ ഭാരതി 30 ലക്ഷം രൂപ തട്ടിയെന്നാണ് യൂട്യൂബര്‍ ആനന്ദരാജ് പോലീസില്‍ നല്‍കിയ പരാതി.
കൊഡൈക്കനാല്‍ സ്വദേശിയായ ആനന്ദരാജ് കവിതകളുമായി ബന്ധപ്പെട്ടാണ് വീഡിയോകള്‍ പോസ്റ്റ് ചെയ്യുന്നത്.
ഈ വീഡിയോയില്‍ അഭിനയിക്കുമോ എന്നാവശ്യപ്പെട്ടാണ് ദിവ്യയെ സമീപിക്കുന്നത്. ഇരുവരും തമ്മില്‍ തുടങ്ങിയ സൗഹൃദം പിന്നീട് പ്രണയമായെന്നും എന്നാല്‍ വിവാഹക്കാര്യം പറയുമ്പോള്‍ താരം ഒഴിഞ്ഞുമാറുമായിരുന്നുവെന്നും ആനന്ദരാജ് പറയുന്നു.
പല സാമ്പത്തിക ആവശ്യങ്ങള്‍ക്കുമായി തന്നില്‍ നിന്ന് 30 ലക്ഷം ദിവ്യാ ഭാരതി തട്ടിയെടുത്തുവെന്നും ആനന്ദരാജ് പറഞ്ഞു.
പിന്നീടാണ് ദിവ്യ വിവാഹിതയാണെന്നും ഈ സത്യം മറച്ചുവച്ച് തന്നെ കബിളിപ്പിക്കുകയാണെന്നും ആനന്ദരാജ് മനസിലാക്കുന്നതെന്ന് പരാതിയില്‍ പറയുന്നു.
ആനന്ദരാജിന്റെ പരാതിയില്‍ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
