പാരീസ്: ഫ്രഞ്ച് ഓപ്പണ്‍ ടെന്നീസ് പുരുഷ സിംഗിൾസിൽ രണ്ടാം സീഡായ ജർമനിയുടെ അലക്സാണ്ടർ സ്വെരേവിനെ അട്ടിമറിച്ച് ഓസ്ട്രിയയുടെ ഡൊമിനിക് തീം സെമിയിൽ. ക്വാർട്ടറിൽ നേരിട്ടുള്ള സെറ്റുകൾക്കായിരുന്നു നാലാം സീഡായ തീമിന്‍റെ ജയം. സ്കോർ: 6-4, 6-2, 6-1.
വനിതാ സിംഗിൾസിൽ അമേരിക്കയുടെ മാഡിസണ്‍ കെയ്സ് സെമിയിൽ പ്രവേശിച്ചു. കസാക്കിസ്ഥാന്‍റെ ജൂലിയ പുടിൻസേവയെയാണ് കെയ്സ് കീഴടക്കിയത്. ആദ്യ സെറ്റ് ടൈബ്രേക്കറിലേക്ക് നീണ്ട പോരാട്ടത്തിൽ 7-6(7-5), 6-4നായിരുന്നു അമേരിക്കൻ താരത്തിന്‍റെ ജയം.
പുരുഷ ഡബിൾസിൽ ഇന്ത്യയുടെ രോഹൻ ബൊപ്പണ്ണ – ഫ്രാൻസിന്‍റെ എഡ്വേർഡ് റോജർ വാസെലിൻ സഖ്യം ക്വാർട്ടറിൽ കടന്നു. ബ്രസീലിന്‍റെ മാഴ്സെലോ മെലോ – പോളണ്ടിന്റെ ലൂക്കാസ് കുബോട്ട് കൂട്ടുകെട്ടിനെ കീഴടക്കിയായിരുന്നു ബൊപ്പണ്ണ സഖ്യത്തിന്‍റെ ക്വാർട്ടർ പ്രവേശനം. സ്കോർ: 6-4, 7-6(7-1).
