അങ്കാറ: ബാഡ്മിന്‍റണു പിന്നാലെ ടെന്നീസിലും ഇന്ത്യയുടെ വമ്പൻ അട്ടിമറി. ഫ്രഞ്ച് ഓപ്പൺ സെമി ഫൈനലിസ്റ്റായ ഡൊമനിക് തീമിനെ ഇന്ത്യയുടെ രാംകുമാർ രാമനാഥൻ അട്ടിമറിച്ചു. തുർക്കിയിലെ അന്‍റാലിയ ഓപ്പണിലായിരുന്നു രാംകുമാർ രാമനാഥന്‍റെ അട്ടിമറി വിജയം.
ലോക എട്ടാം നമ്പർ താരത്തെ 222 ാം സ്ഥാനക്കാരൻ നേരിട്ടുള്ള സെറ്റുകൾക്കാണ് പരാജയപ്പെടുത്തിയത്. ഒരു മണിക്കൂറും ഒരു മിനിറ്റും മാത്രമാണ് തീമിനെ വീഴ്ത്താൻ രാംകുമാർ ചെലവാക്കിയത്. സ്കോർ: 6-3, 6-2.
