ജി. ​സു​ധാ​ക​ര​ൻ വീ​ണ്ടും അ​ങ്ക​ത്തി​നി​റ​ങ്ങു​മോ? കോ​ൺ​ഗ്ര​സ് സ്വ​ത​ന്ത്ര​നാ​യി  മ​ത്സ​രി​ക്കു​മെ​ന്ന് പ്ര​ച​ര​ണം; മ​ത്സ​രി​ച്ചാ​ൽ വ​ലി​യ ഭൂ​രി​പ​ക്ഷ​ത്തോ​ടെ വി​ജ​യി​ക്കു​മെ​ന്ന് സു​ധാ​ക​ര അ​നു​കൂ​ലി​ക​ൾ; രാ​ഷ്ട്രീ കേ​ര​ളം ഉ​റ്റു​നോ​ക്കു​ന്നു…

അന്പ​ല​പ്പു​ഴ: സിപിഎമ്മിന്‍റെ മുതിർന്ന നേതാവ് ജി. സു​ധാ​ക​ര​ൻ വീ​ണ്ടും അ​ങ്ക​ത്തി​നി​റ​ങ്ങു​മോ? വ​രു​ന്ന നി​യ​മ​സ​ഭാ തെ​ര​ഞ്ഞെ​ടു​പ്പി​ൽ മു​ൻ മ​ന്ത്രി ജി.​സു​ധാ​ക​ര​ൻ അ​മ്പ​ല​പ്പു​ഴ​യി​ൽ മ​ത്സ​രി​ക്കു​മോ​യെ​ന്ന് രാ​ഷ്ട്രീ​യ കേ​ര​ളം ഉ​റ്റു നോ​ക്കു​ക​യാ​ണ്.​ പാ​ർ​ട്ടി​യി​ൽ സം​സ്ഥാ​ന​ക്ക​മ്മി​റ്റി​യം​ഗ​മാ​യി​രു​ന്ന സു​ധാ​ക​ര​ൻ ഇ​പ്പോ​ൾ ബ്രാ​ഞ്ചി​ലാ​ണ് പ്ര​വ​ർ​ത്തി​ക്കു​ന്ന​ത്. ഇ​ട​ക്കാ​ല​ത്ത് വി​ശ്ര​മ​ത്തി​ലാ​യി​രു​ന്ന സു​ധാ​ക​ര​ൻ ഇ​പ്പോ​ൾ വീ​ണ്ടും സ​ജീ​വ​മാ​യ​തോ​ടെ വി​വാ​ദ​ങ്ങ​ളി​ലും ഇ​ടം നേ​ടി​യി​രി​ക്കു​ക​യാ​ണ്.

കോ​ൺ​ഗ്ര​സ് വേ​ദി​യി​ൽ പ​ങ്കെ​ടു​ത്ത​താ​ണ് വി​വാ​ദ​ത്തി​ന് കാ​ര​ണ​മാ​യ​ത്.​സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ നി​ര​വ​ധി പ​രി​പാ​ടി​ക​ളി​ൽ സ​ജീ​വ സാ​ന്നി​ധ്യ​മാ​യ സു​ധാ​ക​ര​ൻ പ​ല വേ​ദി​ക​ളി​ലും പ​രോ​ക്ഷ​മാ​യി സ​ർ​ക്കാ​രി​നെ​യും പാ​ർ​ട്ടി​യെ​യും രൂ​ക്ഷ​മാ​യി വി​മ​ർ​ശി​ക്കു​ക​യും ചെ​യ്യു​ന്നു​ണ്ട്.​ സു​ധാ​ക​രന്‍റെ പ​ല പ്ര​തി​ക​ര​ണ​ങ്ങ​ളും പാ​ർ​ട്ടി​യേ​യും സ​ർ​ക്കാ​രി​നെ​യും പ്ര​തി​രോ​ധ​ത്തി​ലാ​ക്കി​യി​ട്ടു​ണ്ട്.

എ​ന്നാ​ൽ, ഇ​തൊ​ന്നും വ​ക​വെ​ക്കാ​തെ സു​ധാ​ക​ര​ൻ പ​ല വി​ഷ​യ​ങ്ങ​ളി​ലും ത​ന്‍റെ നി​ല​പാ​ടു​ക​ൾ പ​ച്ച​യാ​യി പ​റ​യു​ക​യാ​ണ്.​ ക​ഴി​ഞ്ഞ ദി​വ​സം പെ​ൻ​ഷ​ൻ പ​രാ​മ​ർ​ശ​ത്തി​ൽ മ​ന്ത്രി സ​ജി ചെ​റി​യാ​നെ​തി​രേ​യും സു​ധാ​ക​ര​ൻ തു​റ​ന്ന​ടി​ച്ചി​രു​ന്നു.​അ​മ്പ​ല​പ്പു​ഴ ഏ​രി​യാ സ​മ്മേ​ള​നം ത​ന്‍റെ വീ​ടി​ന് തൊ​ട്ട​രി​കി​ൽ ന​ട​ന്നി​ട്ടും ക്ഷ​ണി​ക്കാ​തി​രു​ന്ന പാ​ർ​ട്ടി നേ​തൃ​ത്വ​ത്തോ​ട് സു​ധാ​ക​ര​ന് ഇ​പ്പോ​ഴും ക​ടു​ത്ത അ​തൃ​പ്തി​യാ​ണു​ള്ള​ത്.​

വി.​എ​സ് സർക്കാരിന്‍റെ കാല​ത്തും ഒ​ന്നാം പി​ണ​റാ​യി സ​ർ​ക്കാ​രി​ന്‍റെ കാ​ല​ത്തും മി​ക​ച്ച മ​ന്ത്രി​യെ​ന്ന് പ്ര​തി​പ​ക്ഷം പോ​ലും അം​ഗീ​ക​രി​ച്ച സു​ധാ​ക​ര​നെ​യും മ​റ്റ് ചി​ല​രെ​യും പി​ണ​റാ​യി വി​ജ​യ​ൻ ഒ​ഴി​വാ​ക്കു​ക​യാ​യി​രു​ന്നു. ഈ ​സ​മ്മേ​ള​ന കാ​ല​യ​ള​വി​ൽ എ​ല്ലാ നേ​താ​ക്ക​ൾ​ക്കും പ്രാ​യപ​രി​ധി ഏ​ർ​പ്പെ​ടു​ത്തി​യ​പ്പോ​ഴും പി​ണ​റാ​യി വി​ജ​യ​ന് ഇ​ത് ബാ​ധ​ക​മാ​ക്കി​യി​ല്ല.

ഇ​തി​ലും സു​ധാ​ക​ര​ൻ എ​തി​ർ​പ്പ് പ്ര​ക​ടി​പ്പി​ച്ച് രം​ഗ​ത്തെ​ത്തി​യി​രു​ന്നു.​ ഇ​തി​നു പി​ന്നാ​ലെ​യാ​ണ് കോ​ൺ​ഗ്ര​സ് വേ​ദി​യി​ൽ സു​ധാ​ക​ര​ൻ പ​ങ്കെ​ടു​ത്ത​ത്. ജി.​സു​ധാ​ക​ര​ൻ അ​മ്പ​ല​പ്പു​ഴ​യി​ൽ നി​യ​മസ​ഭാ തെ​ര​ഞ്ഞെ​ടു​പ്പി​ൽ മത്സരിക്കുമോ എ​ന്ന ചോ​ദ്യ​മാ​ണ് മ​ണ്ഡ​ല​ത്തി​ലെ വോ​ട്ട​ർ​മാ​ർ ചോ​ദി​ക്കു​ന്ന​ത്. അ​തി​നി​ടെ കോ​ൺ​ഗ്ര​സ് സ്വ​ത​ന്ത്ര​നാ​യി സു​ധാ​ക​ര​ൻ മ​ത്സ​രി​ക്കു​മെ​ന്ന പ്ര​ച​ര​ണ​വും ഉ​യ​ർ​ന്നി​ട്ടു​ണ്ട്.

മൂന്നു ത​വ​ണ തു​ട​ർ​ച്ച​യാ​യി അ​മ്പ​ല​പ്പു​ഴ മ​ണ്ഡ​ല​ത്തി​ൽ നി​ന്ന് മി​ക​ച്ച ഭൂ​രി​പ​ക്ഷ​ത്തി​ൽ വി​ജ​യി​ച്ച സു​ധാ​ക​ര​ൻ ഇ​ത്ത​വ​ണ അ​ങ്ക​ത്തി​നി​റ​ങ്ങി​യാ​ൽ വ​ലി​യ ഭൂ​രി​പ​ക്ഷ​ത്തോ​ടെ വി​ജ​യി​ക്കു​മെ​ന്നാ​ണ് സുധാകരനെ അനുകൂലിക്കുന്ന വോ​ട്ട​ർ​മാ​ർ പ​റ​യു​ന്ന​ത്.

സം​സ്ഥാ​ന സ​ർ​ക്കാ​രി​ന്‍റെയും പാ​ർ​ട്ടി​യു​ടെ​യും പ​ല നി​ല​പാ​ടു​ക​ളി​ലും അ​സം​തൃ​പ്ത​രാ​യ സിപിഎം പ്ര​വ​ർ​ത്ത​ക​രു​ടെ​യ​ട​ക്കം വോ​ട്ട് സുധാക​ര​ന് ല​ഭി​ക്കു​മെ​ന്ന ക​ണ​ക്കു​കൂ​ട്ട​ലു​മു​ണ്ട്. മൂ​ന്ന് മു​ന്ന​ണി​യി​ലും സ്ഥാ​നാ​ർ​ഥി ച​ർ​ച്ച ആ​രം​ഭി​ച്ചി​ട്ടി​ല്ലെ​ങ്കി​ലും സു​ധാ​ക​ര​ന്‍റെ നി​ല​പാ​ടി​നാ​യി കാ​ത്തി​രി​ക്കു​ക​യാ​ണ് മൂന്നു മു​ന്ന​ണി​ക​ളും.​സു​ധാ​ക​ര​ൻ സ്വ​ത​ന്ത്ര​നാ​യി മ​ത്സ​രി​ക്കാ​ൻ എ​ത്തി​യാ​ൽ പി​ന്തു​ണ കൊ​ടു​ക്കാ​നാ​ണ് കോ​ൺ​ഗ്ര​സ് നീ​ക്കം.​