ചലച്ചിത്രം എന്ന ചിത്രത്തിന്‍റെ സംവിധായകനും തിരക്കഥാകൃത്തുമായ ഗഫൂർ ഇല്ല്യാസിന്‍റെ ഫേസ്ബുക് പോസ്റ്റ് ആണ് ഇതിനോടകം സാമൂഹ്യമാധ്യമങ്ങളിൽ പടർന്നു പിടിക്കുന്നത്. മമ്മൂക്കയെ പറ്റിയാണ്, രണ്ട് പറയണം…
എന്ന തലക്കെട്ടോടു കൂടി വന്ന ഫേസ്ബുക് കുറിപ്പിൽ മമ്മൂട്ടിയെ കുറിച്ചും അദ്ദേഹത്തിന്‍റെ സ്വഭാവത്തെക്കുറിച്ചുമെല്ലാമാണ് പറയുന്നത്.
ചലച്ചിത്രം എന്ന തന്‍റെ ഏറ്റവും പുതിയ ചിത്രത്തിന്‍റെ ട്രൈയ്‌ലർ ഇറങ്ങുന്നതിനു മുന്പ് അത് മമ്മൂട്ടി എന്ന മഹാനടനെ കൊണ്ട് തന്നെ സിനിമാപ്രേമികളിലേക്ക് എത്തിക്കണമെന്ന അതിയായ മോഹം ഉണ്ടായിരുന്നെന്നും അതിനായി മമ്മൂക്കയിലേക്ക് എത്താൻ ഒട്ടനവധി വഴികൾ താണ്ടിയെന്നും ഫേസ്ബുക്ക് കുറിപ്പിൽ സൂചിപ്പിക്കുന്നു.
ഒടുവിൽ രണ്ടും കല്പിച്ചു കൈയിലുണ്ടായിരുന്ന മമ്മൂട്ടിയുടെ നമ്പറിലേക്ക് ട്രൈയ്‌ലറും തന്നെ കുറിച്ചുള്ള വിവരങ്ങൾ അയച്ചതും അദ്ദേഹത്തിന്‍റെ മറുപടിക്കായി കാത്തു നിന്ന നിമിഷങ്ങളും എല്ലാം തന്നെ വളരെ രസകരമായാണ് ഗഫൂർ ഇല്യാസ് എഴുതിയിരിക്കുന്നത്.
അവസാനം മമ്മൂട്ടി എന്ന മലയാള സിനിമയുടെ എക്കാലത്തെയും സ്വകാര്യ അഹങ്കാരമായ നടൻ തനിക്ക് മറുപടി അയച്ചെന്നും ട്രെയ്‌ലർ റിലീസ് ചെയ്യാമെന്ന് സമ്മതിക്കുകയും ചെയ്‌തെന്നും കുറിപ്പിൽ പറയുന്നു.
മനസും മുഖവും ഒരു പോലെ സുന്ദരമായ ആ നടനെ കുറിച്ച് ഒരുപാട് എഴുതിയാണ് ഫേസ്ബുക്ക് പോസ്റ്റ് അവസാനിപ്പിക്കുന്നത്. തലക്കെട്ടിൽ പറഞ്ഞ പോലെ “മമ്മൂക്കയെ കുറിച്ചാണ് രണ്ട് പറയണം” എന്നതിന് പകരം “മമ്മൂക്കയെ കുറിച്ചാണ് കണ്ടു പറയണം” എന്ന് തിരുത്തി വായിക്കണമെന്നും ഗഫൂർ ഇല്യാസ് കൂട്ടി ചേർക്കുന്നു.
ചലച്ചിത്രം പ്രൊഡക്ഷൻസിന്‍റെ ബാനറിൽ ആര്യ, മുഹമ്മദ്‌ മുസ്തഫ, ഗഫൂർ വൈ ഇല്യാസ് എന്നിവർ ചേർന്നാണ് ചിത്രം നിർമിക്കുന്നത്.
ടോൺസ് അലക്‌സാണ് ഛായാഗ്രഹണം നിർവഹിക്കുന്നത്. ടിനു കെ. തോമസ് എഡിറ്റിംഗും സംഗീതം ക്രിസ്‌റ്റി ജോബിയും ഡിസൈൻ അനുലാലും നിർവഹിക്കുന്നു. പിആർഒ പി. ശിവപ്രസാദ്.
