ഗുണ്ടകളെ കാവൽ നിർ‌ത്തി ചൂതാട്ടം; ചൂ​താ​ട്ട കേ​ന്ദ്ര​ങ്ങ​ളി​ൽ എതിർഗ്രൂപ്പ് ഗു​ണ്ടകഗളുടെ റെ​യ്ഡ്; വ​ല​വി​രി​ച്ച് റൂ​റ​ൽ പോ​ലീ​സ്

ആ​ലു​വ: കോ​റോ​ണ​ക്കാ​ല​ത്തും ല​ക്ഷ​ങ്ങ​ൾ വ​ച്ച് ചീ​ട്ടു​ക​ളി ന​ട​ത്തു​ന്ന സം​ഘ​ങ്ങ​ൾ റൂ​റ​ൽ ജി​ല്ലാ പോ​ലീ​സ് പ​രി​ധി​യി​ൽ കൂ​ടു​ത​ൽ സ​ജീ​വ​മാ​കു​ന്നു. ഗു​ണ്ടാ സം​ഘ​ങ്ങ​ളെ കാ​വ​ൽ നി​ർ​ത്തി കൊ​ണ്ടു​ള്ള ഈ ​ചൂ​താ​ട്ട കേ​ന്ദ്ര​ങ്ങ​ളി​ൽ എ​തി​ർ ഗ്രൂ​പ്പി​ലെ ഗു​ണ്ട​ക​ൾ റെ​യ്ഡി​നെ​ത്തു​ന്ന​ത് പ​തി​വാ​കു​ന്നു.

ഇ​ത്ത​രം സം​ഘ​ത്തി​നെ​തി​രേ​യു​ള്ള പ​രാ​തി​യെ തു​ട​ർ​ന്നു നെ​ടു​മ്പാ​ശേ​രി പോ​ലീ​സ് ന​ട​ത്തി​യ അ​ന്വേ​ഷ​ണ​മാ​ണ് ഗു​ണ്ടാ സം​ഘ​ങ്ങ​ളെ കു​റി​ച്ചു​ള്ള കൂ​ടു​ത​ൽ സൂ​ച​ന​ക​ൾ ന​ൽ​കു​ന്ന​ത്.

കൊ​ച്ചി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ന് സ​മീ​പ​ത്തെ ഫ്ലാ​റ്റി​ൽ പ്ര​വ​ർ​ത്തി​ച്ചി​രു​ന്ന ചൂ​താ​ട്ട കേ​ന്ദ്ര​ത്തി​ൽ ക​ഴി​ഞ്ഞ ദി​വ​സം അ​തി​ക്ര​മി​ച്ച് ക​യ​റി മൂ​ന്ന് ല​ക്ഷം രൂ​പ​യും എ​ട്ട് പ​വ​ൻ സ്വ​ർ​ണാ​ഭ​ര​ണ​ങ്ങ​ളും ഗു​ണ്ടാ സം​ഘം ക​വ​ർ​ന്നി​രു​ന്നു.

ഈ ​സം​ഭ​വ​ത്തി​ൽ കൊ​ല​പാ​ത​ക ശ്ര​മ​കേ​സി​ലെ ഒ​ന്നാം പ്ര​തി തു​റ​വൂ​ർ പു​ല്ലാ​നി വി​ഷ്ണു അ​ട​ക്കം മൂ​ക്ക​ന്നൂ​ർ അ​നി​ൽ പ​പ്പ​ൻ മ​ഞ്ഞ​പ്ര ടി​ൽ​ജോ എ​ന്നി​വ​ർ പോ​ലീ​സ് ക​സ്റ്റ​ഡി​യി​ലാ​യി​രു​ന്നു. ക​വ​ർ​ച്ച മു​ത​ലു​ക​ളും സം​ഘം സ​ഞ്ച​രി​ച്ച വാ​ഹ​ന​ങ്ങ​ളും ക​വ​ർ​ച്ച മു​ത​ലു​പ​യോ​ഗി​ച്ച് വാ​ങ്ങി​യ മോ​ട്ടോ​ർ സൈ​ക്കി​ളും പോ​ലീ​സ് പ്ര​തി​ക​ളി​ൽ നി​ന്നും പി​ടി​ച്ചെ​ടു​ത്തി​രു​ന്നു.

സം​ഭ​വ​ത്തെ​ക്കു​റി​ച്ച് പോ​ലീ​സി​ൽ പ​രാ​തി​പ്പെ​ടാ​ൻ ചീ​ട്ടു​ക​ളി ന​ട​ത്തി​പ്പു​കാ​ർ ആ​ദ്യം ത​യാ​റാ​യി​രു​ന്നി​ല്ല. വി​വ​രം മ​ണ​ത്ത​റി​ഞ്ഞ പോ​ലീ​സ് കൃ​ത്യ​ത്തി​ൽ പ​ങ്കെ​ടു​ത്ത​വ​രു​ടെ വി​വ​ര​ങ്ങ​ൾ ശേ​ഖ​രി​ച്ച് അ​ന്വേ​ഷ​ണം ഊ​ർ​ജ്ജി​ത​മാ​ക്കു​ക​യാ​യി​രു​ന്നു.

തു​ട​ർ​ന്ന് അ​നി​ലും ടി​ൽ​ജോ​യും പി​ടി​യി​ലാ​യി. കോ​ട​തി അ​നു​മ​തി​യോ​ടെ ഗു​ണ്ടാ ത​ല​വ​ൻ പു​ല്ലാ​നി വി​ഷ്ണു​വി​നേ​യും പോ​ലീ​സ് ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. റൂ​റ​ൽ ജി​ല്ല​യി​ലെ ഗു​ണ്ടാ സം​ഘ​ങ്ങ​ളി​ലെ അം​ഗ​ങ്ങ​ളാ​ണ് ഈ ​കേ​സി​ൽ ഇ​നി പി​ടി​യി​ലാ​കാ​നു​ള്ള​തെ​ന്ന് പോ​ലീ​സ് അ​റി​യി​ച്ചു.

ചൂ​താ​ട്ട കേ​ന്ദ്ര​ങ്ങ​ളി​ൽ ഇ​ത്ത​രം പി​ടി​ച്ചു​പ​റി​ക​ൾ പ​തി​വാ​ണ്. എ​ന്നാ​ൽ മാ​ന​ഹാ​നി ഭ​യ​ന്ന് ചീ​ട്ടു​ക്ക​ളി​ക്കാ​രും ന​ട​ത്തി​പ്പു​കാ​രും ഇ​ക്കാ​ര്യ​ങ്ങ​ൾ പോ​ലീ​സി​ൽ പ​രാ​തി​പ്പെ​ടാ​റി​ല്ല. ഫ്ലാ​റ്റു​ക​ളും ഹോ​ട്ട​ലു​ക​ളും കേ​ന്ദ്രീ​ക​രി​ച്ച് ല​ക്ഷ​ങ്ങ​ളു​ടെ ചൂ​താ​ട്ടം ന​ട​ത്തു​ന്ന​ത് അ​തീ​വ ര​ഹ​സ്യ​മാ​യി​ട്ടാ​ണെ​ങ്കി​ലും സം​ഘാം​ഗ​ങ്ങ​ൾ ത​ന്നെ ഒ​റ്റു​കാ​രാ​വാ​റാ​ണ് പ​തി​വ്.

കു​റ​ച്ച് നാ​ളു​ക​ൾ​ക്ക് മു​മ്പ് അ​റ​ക്ക​പ്പ​ടി ഭാ​ഗ​ത്തെ റ​ബ​ർ തോ​ട്ട​ത്തി​ൽ ക​ളി​ച്ചു കൊ​ണ്ടി​രു​ന്ന​വ​രു​ടെ നേ​രേ വ​ടി​വാ​ള​ക്ര​മ​ണം ന​ട​ത്തു​ക​യും പ​ണം ക​വ​രു​ക​യും ചെ​യ്തി​രു​ന്നു. കു​റു​പ്പും​പ​ടി​യി​ലെ ഗു​ണ്ടാ നേ​താ​വി​ന്‍റെ നേ​തൃ​ത്വ​ത്തി​ൽ ന​ട​ന്ന ഈ ​പി​ടി​ച്ചു​പ്പ​റി പെ​രു​മ്പാ​വൂ​ർ പോ​ലീ​സ് കേ​സാ​ക്കി​യെ​ങ്കി​ലും പി​ന്നീ​ട് സം​ഘ​ങ്ങ​ൾ ത​മ്മി​ൽ ഒ​ത്തു​തീ​ർ​പ്പി​ൽ എ​ത്തു​ക​യാ​യി​രു​ന്നു.

നെ​ടു​മ്പാ​ശേ​രി​യി​ലെ ഹോ​ട്ട​ലു​ക​ളും ഫ്ലാ​റ്റു​ക​ളും ടൂ​റി​സ്റ്റു​ക​ളി​ല്ലാ​ത്ത​തി​നാ​ൽ ഒ​ഴി​ഞ്ഞു കി​ട​ക്കു​ക​യാ​ണ്. ഇ​ത്ത​രം സ​ങ്കേ​ത​ങ്ങ​ൾ ചീ​ട്ടു​ക​ളി​ക്ക് സു​ര​ക്ഷി​ത കേ​ന്ദ്ര​ങ്ങ​ളാ​യി ചൂ​താ​ട്ട സം​ഘ​ങ്ങ​ൾ തി​ര​ഞ്ഞെ​ടു​ക്കാ​റാ​ണ് പ​തി​വ്. ഗു​ണ്ടാ സം​ഘ​ങ്ങ​ളു​ടെ ഒ​ത്താ​ശ​യും പി​ന്തു​ണ​യും ഇ​ത്ത​രം കേ​ന്ദ്ര​ങ്ങ​ൾ​ക്ക് ല​ഭി​ക്കാ​റു​ണ്ട്.

പോ​ലീ​സി​ലെ ഒ​രു വി​ഭാ​ഗ​ത്തി​ന്‍റെ മൗ​ന സ​മ്മ​തം കൂ​ടി​യു​ള്ള​തി​നാ​ൽ ആ​ലു​വ കേ​ന്ദ്രീ​ക​രി​ച്ചാ​ണ് ഈ ​മാ​ഫി​യ പ്ര​വ​ർ​ത്തി​ക്കു​ന്ന​ത്. നെ​ടു​മ്പാ​ശേ​രി​യി​ലെ അ​ക്ര​മ​ണ​ത്തി​ര​യാ​യ​വ​രി​ൽ ഉ​ന്ന​ത​നാ​യ ഒ​രാ​ൾ ഉ​ണ്ടാ​യി​രു​ന്ന​താ​ണ് കേ​സി​ന്‍റെ ഗ​തി മാ​റ്റി​യ​ത്.

പ​രാ​തി നി​ർ​ബ​ന്ധി​ച്ച് എ​ഴു​തി വാ​ങ്ങി പോ​ലീ​സ് മു​ന്നി​ട്ടി​റ​ങ്ങി ത​ന്നെ​യാ​ണ് ഈ ​കേ​സി​ലെ പ്ര​തി​ക​ളെ പി​ടി​കൂ​ടി​യ​ത്. ചീ​ട്ടു​ക​ളി സം​ഘ​ങ്ങ​ൾ കൂ​ടു​ത​ൽ ശ​ക്തി​യോ​ടെ തി​രി​ച്ച് വ​രു​ന്ന​ത് റൂ​റ​ൽ ജി​ല്ലാ പോ​ലീ​സി​ന് ത​ല​വേ​ദ​ന​യാ​യി​ട്ടു​ണ്ട്. അ​ത് കൊ​ണ്ട് ത​ന്നെ അ​ന്വേ​ഷ​ണം ഊ​ർ​ജ്ജി​ത​മാ​ക്കാ​നാ​ണ് പോ​ലീ​സി​ന്‍റെ നീ​ക്കം.