പഞ്ചവർണ തത്തയ്ക്കു ശേഷം രമേഷ് പിഷാരടി സംവിധാനം ചെയ്യുന്ന ചിത്രത്തിൽ മമ്മൂട്ടി നായകനാകുന്നു. ഗാനഗന്ധർവൻ എന്നു പേരിട്ടിരിക്കുന്ന ചിത്രത്തിൽ ഗാനമേളകളിൽ പാട്ടു പാടുന്ന കലാസദൻ ഉല്ലാസ് എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്.
രമേഷ് പിഷാരടിയും ഹരി പി. നായരുമാണ് ചിത്രത്തിനായി തിരക്കഥയൊരുക്കുന്നത്. ആർ. ശ്രീലക്ഷ്മി, ആർ. ശങ്കർ രാജ്, രമേഷ് പിഷാരടി എന്നിവരാണ് ഗാനഗന്ധർവൻ നിർമിക്കുന്നത്. 2019ൽ സിനിമയുടെ ചിത്രീകരണം ആരംഭിക്കും.
