ഗാനമേളയ്ക്കിടെ കൂട്ടത്തല്ല് ; നിയന്ത്രിക്കാൻ ശ്രമിച്ച പോലീസുകാരെ ആക്രമിച്ചു; എ​ട്ടുപേർ അറസ്റ്റിൽ

വി​ഴി​ഞ്ഞം: ഗാ​ന​മേ​ള​ക്കി​ടെ ന​ട​ന്ന കൂ​ട്ട​ത്ത​ല്ല് നി​യ​ന്ത്രി​ക്കാ​ൻ ശ്ര​മി​ച്ച പോ​ലീ​സു​കാ​രെ സം​ഘം ചേ​ർ​ന്ന് ആ​ക്ര​മി​ച്ചു. എ​ട്ട് പോ​ലീ​സു​കാ​ർ​ക്ക് പ​രി​ക്കേ​റ്റു. ജീ​പ്പ് അ​ടി​ച്ച് ത​ക​ർ​ത്തു. അ​ൻ​പ​തോ​ളം പേ​ർ​ക്കെ​തി​രെ കേ​സെ​ടു​ത്ത വി​ഴി​ഞ്ഞം പോ​ലീ​സ് എ​ട്ട് പേ​രെ അ​റ​സ്റ്റ് ചെ​യ്തു. വി​ഴി​ഞ്ഞം സ്റ്റേ​ഷ​നി​ലെ എ എ​സ് ഐ ​രാ​ജ​ൻ, സിപി​ഒ​മാ​രാ​യ കൃ​ഷ്ണ​കു​മാ​ർ ,മ​നോ​ജ്, അ​ജി​കു​മാ​ർ, സ​ന്തോ​ഷ്, സു​ധീ​ർ, ര​തീ​ഷ്, ഹോം ​ഗാ​ർ​ഡ് മി​ൽ​ക്കി​സ ബേ​ക്ക് എ​ന്നി​വ​ർ​ക്കാ​ണ് പ​രി​ക്കേ​റ്റ​ത്.​

ഇ​ന്ന​ലെ രാ​ത്രി പ​ന്ത്ര​ണ്ടോ​ടെ വി​ഴി​ഞ്ഞം മു​ല്ലൂ​ർ ഭ​ദ്ര​കാ​ളി ദേ​വി ക്ഷേ​ത്ര​ത്തി​ലെ ഗാ​ന​മേ​ള​ക്കി​ടെ​യാ​ണ് സം​ഘ​ർ​ഷം. ഗാ​ന​മേ​ള ന​ട​ക്കു​ന്ന​തി​നി​ട​യി​ൽ ഒ​രു സം​ഘം യു​വാ​ക്ക​ൾ സ്ത്രീ​ക​ൾ ഇ​രി​ക്കു​ന്ന സ്ഥ​ലത്ത് കയറി ഡാ​ൻ​സ് ക​ളി​ക്കാ​ൻ ശ്ര​മി​ച്ച​താ​ണ് പ്ര​ശ്ന​ങ്ങ​ൾ​ക്ക് വ​ഴി​തെ​ളി​ച്ച​ത്.

ഇ​ത് ത​ട​യാ​നെ​ത്തി​യ ഡ്യൂ​ട്ടി​യി​ലു​ണ്ടാ​യി​രു​ന്ന പോ​ലീ​സു​കാ​രെ സം​ഘം കൈ​യേറ്റം ചെ​യ്ത​ത് പ്ര​ശ്നം രൂ​ക്ഷ​മാ​ക്കി.​ഇ​തി​നി​ട​യി​ൽ വി​വ​ര​മ​റി​ഞ്ഞ് വി​ഴി​ഞ്ഞം സ്റ്റേ​ഷ​നി​ൽ നി​ന്ന് കൂ​ടു​ത​ൽ പോ​ലീ​സെ​ത്തി പ്ര​ശ്ന​ക്കാ​ര​നാ​യ ഒ​രാ​ളെ പി​ടി​കൂ​ടി ജീ​പ്പി​ൽ ക​യ​റ്റാ​ൻ ശ്ര​മം ന​ട​ത്തി.​ ഇ​ത് ത​ട​യാ​ൻ സം​ഘ​ടി​ച്ചെ​ത്തി​യ​വ​ർ രാ​വി​ലെ പൊ​ങ്കാ​ല​യ​ർ​പ്പി​ച്ച ശേ​ഷം ഒ​തു​ക്കി​യി​ട്ടി​രു​ന്ന ചു​ടു ക​ല്ലു​ക​ൾ കൊ​ണ്ട് പോ​ലീ​സു​കാ​രെ ത​ല​ങ്ങും വി​ല​ങ്ങും ആ​ക്ര​മി​ച്ചു.​

ത​ല​യ്ക്കും മു​തു​കി​ലും പരിക്കേറ്റ ഏ​ഴ് പേ​രെ വി​ഴി​ഞ്ഞം സ​ർ​ക്കാ​ർ ആ​ശു​പ​ത്രി​യി​ലും തോ​ളെ​ല്ല് ത​ക​ർ​ന്ന ഒ​രാ​ളെ മെ​ഡി​ക്ക​ൽ കോ​ളജ് ആശുപത്രിയി​ലും പ്ര​വേ​ശി​പ്പി​ച്ചു.​സം​ഘ​ർ​ഷം നി​യ​ന്ത്രി​ക്കാ​ൻ ക്യാ​മ്പി​ൽ നി​ന്നും കൂ​ടു​ത​ൽ പോ​ലീ​സ് എ​ത്തേണ്ടി വ​ന്ന​താ​യും പ്ര​ശ്ന​ക്കാ​രാ​യ കൂ​ടു​ത​ൽ പേ​രെ ഉ​ട​ൻ അ​റ​സ്റ്റു ചെ​യ്യു​മെ​ന്നും​വി​ഴി​ഞ്ഞം പോ​ലീ​സ് അ​റി​യി​ച്ചു.