വിനോദയാത്ര എന്ന ചിത്രത്തിൽ ബാലതാരമായി ശ്രദ്ധനേടിയ ഗണപതി നായകനാകുന്നു. വള്ളിക്കുടിലിലെ വെള്ളക്കാരന്‍ എന്ന സിനിമയിലാണ് ഗണപതി നായക കഥാപാത്രത്തെ അവതരിപ്പിക്കുന്നത്. നവിസ് സേവ്യർ, സിജു മാത്യു, സഞ്ജിത എസ് കാന്ത് എന്നിവർ നിർമ്മിക്കുന്ന ചിത്രം സംവിധാനം ചെയ്യുന്നത് ഡഗ്ലസ് ആല്‍ഫ്രഡ് ആണ്.
ജോസ് ജോണ്‍, ജിജോ ജസ്റ്റിന്‍, ഡഗ്ലസ് ആല്‍ഫ്രഡ് എന്നിവര്‍ ചേര്‍ന്നാണ് തിരക്കഥ രചിച്ചിരിക്കുന്നത്. കാമറ-പവി കെ പവന്‍. ദീപക് ദേവ് സംഗീത സംവിധാനം നിര്‍വഹിക്കുന്നു. ബാലു വര്‍ഗീസും ചിത്രത്തില്‍ പ്രധാനപ്പെട്ട വേഷം ചെയ്യുന്നുണ്ട്.
